Salmos 141:5 - Tayta Diosninchi Isquirbichishan

⁵ Alli runa piñacamaptin, astimaptin chasquicushämi. Chaycunaga canga jampinömi. Chauraga chasquicushämi. Fiyu runacuna magaycämaptinpis gamllatami mañacuycäshayqui.

Salmos 141:5 Referans Kwoze

Eclesiastés 7:5

Mana tantiyaj upa runacuna «allimi canqui» nishanta wiyananpa ruquenga mas allimi yachaj runa piñacushanta wiyaptin.

Apocalipsis 3:19

«Llutanta ruraptenga cuyashä cajta castigämi llutanta ruraycashanta cacharinanpaj. Chauraga arpinticur munashänöna goyay.

Gálatas 6:1

Ermänucuna, juc ermänu jucha rurayman chayashanta musyar Espíritu Santu munashanno cawaycajcunaga mana alli-tucuyllapa willapanqui. Cuydä alli-tucuycashayquicho gamcunapis jucha rurayman chayaycunquiman.

Proverbios 25:12

Wiyacoj runapäga yachaj runa piñacushan caycan gori surtïjano gori wallganömi.

Proverbios 19:25

Shimisapa runata castigaptinmi mana tantiyacöga yachacun. Alli tantiyacoj yachaj runami ichanga juc willapayllacho yachacun.

Proverbios 15:5

Mana tantiyacojcunaga papänin corrijishantapis manami cäsunchu. Wiyacojcunami ichanga alli yarpayniyoj cashanta tantiyachicun.

2 Crónicas 25:16

Chayno profëta niycaptin rayga ollgur niran: «Manami gamtaga churashcächu willapämänayquipaj. Wañuchinäta mana munarga upällalla cacuy.» Chaura profëtaga manana rimaparannachu. Ichanga niran: «Nogaga musyaycänami chayno rurashayquipita, noga nishäta mana wiyacushayquipita Tayta Dios ushacächishunayquipaj cashanta.»

Proverbios 6:23

Mandamintucunaga achqui tübu rataycajnömi caycan. Yachachicuypis achquinömi. Corrijimashanchïta piñacamashanchïta sumaj wiyacorga alli cawaytami tarishun.

Salmos 125:4

Tayta Dios, allita ruray ari alli runacunapaj, rasun cajllata rimaj runacunapäpis.

Salmos 51:18

Cuyashpayquega Sión lömata alli ricay ari. Jerusalenpa curralnincunata yapay jatarachiy.

Salmos 23:5

Chiquimajcuna ricapaycämaptinmi mas alli micuyta garamanqui. Alli jamachimashpayquimi umämanpis asëtita wiñapämanqui. Jicha-jichananyajrämi bäsömanpis wiñapämashcanqui.

Mateo 5:44

«Chaypis nogaga caynömi në: Chiquishojcunatapis cuyay. Chiquishojcuna alli cawananpäpis Tayta Diosta mañacapay.

Proverbios 15:22

Shuntacaycur mana parlacuptenga llapan yarpashancunapis manami camacanchu. Achcaj tantiyachejcuna captinmi ichanga yarpashancunapis alli llojshin.

Levítico 19:17

«Shongullayquicho pitapis ama chiquipanquichu. Juchanpitaga runa-masiquita piñacuy. Juchata ruraptin ama chapanquichu. Chaparga ishcaniquimi juchayoj ricacunquipaj.

Proverbios 12:1

Corrijiptin wiyacur alli tantiyacöga yachaj caytami munan. Piñacuptin mana wiyacojmi ichanga mana tantiyacoj upa.