Salmos 14:4 - Tayta Diosninchi Isquirbichishan

⁴ Fiyu runacunaga manami imatapis tantiyannachu. Cuyashä runacunataga tantata micojnömi ushacarcärin. Tayta Diostaga manami manchacunnachu.

Salmos 14:4 Referans Kwoze

Salmos 79:6

Rabyasha carga castigay mana rispitashojcunata, mana rejsishojcunata, mana mañacamushojcunata.

Jeremías 10:25

Gamta mana yarpäshoj, mana rejsishoj nasyun runacunata castigay rabyashayqui pascacänanpäga. Chay runacunami Jacobpita mirar aywaj runacunata usharisha. Nasyun intërutami pasaypa ushacashata cachaycusha.

Isaías 64:7

Pipis manami canchu gamta adurashöga. Pipis manami yarpachacunchu gamman yäracamunanpäga. Chaypitami nogacunapitaga pacacuycushcanqui. Jucha rurashäcunapitami cachaycamashcanquipis.

Salmos 82:5

«Ichanga, gamcuna mana musyanquichu ni tantiyanquipischu. Chacaycho purejnömi purircaycanqui. Mana alli arriglaptiquimi cay pachata tuncarajcunapis sicsicyan.

Romanos 1:28

Tayta Dios munashanno cawayta mana munaptinmi payga cachaycusha llutan yarpaynincunacho cawacunanpaj, marca pengay goyänanpaj.

Amós 8:4

Imano cashayquitapis wiyay-llapa. Gamcunaga umildicunatami ñacaycächinqui. Nasyunniquicho pobri caycajcunatami engañaycanqui.

Salmos 27:2

Fiyucunawan chiquimajcunaga shuntacan magamar illgächimänanpaj. Chaypis quiquincunami llutanman tunir mana alliman chayan.

Gálatas 5:15

Chayno caycaptenga ¿imanirtaj mishiwan allgu chiquinacojno goyaycanqui? Chayno cawarga jagayächinacur gargunacunquipämi.

Oseas 7:7

Paycunaga jurnu rataycajno cashpanmi autoridänincunatapis wañuchisha. Raynincunatapis rucachisha. Ichanga ni jucnayllapis manami canchu nogata mañacamäga.

Isaías 45:20

«Juc nasyun runacunaga mana tantiyashpanmi guerupita rurasha ïduluncunata matancasha purichin. Mana salbananpaj caycaptinpis ‹diosnë› nir mañacun. Paycunatami në: Cawaycar quëdaj cajcunaga shuntacarcushpayqui shamuy-llapa.

Isaías 29:14

Chaypitami cay runacunapäga tantiyayta mana camäpacunanpaj camacächishaj. Camacächishaj cay runacuna fiyupa almirananpaj. Yachajcunapa yachaj cayninpis, tantiyajcunapa tantiyaj cayninpis manami canganachu.»

Isaías 27:11

Chaychöga yörapa rämancunapis chaquir shicwanga. Chay shicwajta shuntarcurnami warmicuna yanuconga. Chaynöga canga chay runacuna yarpayniynaj captinmi. Chaypitami paycunata Camaj Diosga mana cuyapangachu ni llaquipangapischu.

Job 27:10

Fiyucunaga Tayta Dios munashanno ruraypaj manami imapis gocunchu. Tayta Diostaga imaypis manami mañacunpischu.

Isaías 5:13

Chayno cashanpitami Dios acrashan runacunaga prësu aywanga. Llapanmi mandajnintin yargaypita, yacunaypita wañonga.

Job 21:15

¿Pitaj Tayta Diosga sirbiycänäpäga? ¿Imatataj gänanchi payta mañacorga?›

Proverbios 30:14

Waquenga yargaj cashpanmi pobricunapa imantapis guechun. Chay runacunapa quironga espädanömi. Waguncunapis cuchillunömi. Chayno carmi pobricunapa imantapis ushapan.

Isaías 64:6

Nogacunaga llapäpis caycä ganra runanömi. Allita rurashäcunapis ganra räpunömi caycan. Llapanëpis caycä garwashtar öja yagashanömi. Juchäcunami wayra apajnöpis mana alliman chayaycächiman.