Salmos 14:1 - Tayta Diosninchi Isquirbichishan

¹ Mana tantiyacoj fiyu runacunaga «Dios manami canchu» nirmi yarpan. Pasaypa pirdicashanami. Melanaypajcunatami rurasha. ¡Paycunaga mayganpis mananami allitaga rurannachu!

Salmos 14:1 Referans Kwoze

Salmos 10:4

Chay runacunaga alli-tucur nin: «Diosga manami canchu. Piräshi nogata jusgamanman imata rurashätapis» nir. Chayllatami imay örapis yarparaycan.

Salmos 53:1

Rumi shongucunaga «Dios mana canchu» nirmi yarpan. Pasaypa pirdicashanami. Melanaypajcunatami rurasha. ¡Paycunaga mayganpis manami allita rurannachu!

Salmos 92:6

Chaymi mana tantiyacunchu llutan ruraj runacunaga.

Génesis 6:5

Tayta Dios ricaran runacuna pasaypa mana alli rurayllachöna cawashanta. Chay runacunaga yarparaycaran jucha rurayllapaj.

Mateo 12:34

¡Culebra casta runacuna! Yarpayniqui mana alli caycaptenga ¿allita parlanquimanchuraj? Runaga shongun yarpashantami parlan.

Lucas 12:20

Chayno yarpachacuycaptinshi Tayta Dios niran: ‹¡Yarpayniynaj upa runa! ¡Canan chacaymi wañunquipaj! Llapan ñacar churashayquega ¿pipäraj quëdanga?› nir.

Mateo 15:19

Runacunaga shonguncho mana allicunata yarparmi runa-masinta wañuchin; majayoj caycarpis jucwan cacun; japalla caycarpis jucwan-jucwan puricun; suwacun; llullacun; jucpa washanta riman.

Proverbios 1:7

Rasunpa yachaj canapäga rimëru Tayta Diostami rispitar yäracuypaj. Tantiyacuyta mana munajcunami ichanga alli yachachicuycunatapis, willapashancunatapis manacajman churan.

Tito 3:3

Jesucristuta manaraj chasquicorga noganchïpis waquin runanöllami mana tantiyacur Tayta Diosta mana wiyacuranchïchu. Chaymi jucha ruraycunata cachariyta mana camäpacuranchïchu. Chiquinacur rimanacur goyaranchi.

Efesios 2:12

Yarpay manaraj Jesucristuman yäracushayquita, mana Israel casta cashayquita y jäpa runa car Tayta Diosninchïpa conträtuncho aunishancunatapis mana chasquishayquita. Cay pachacho gamcunaga cawarayqui Tayta Diospita mana musyaypami, Diospita imatapis mana shuyaraypami.

Proverbios 27:22

Agashaga rïgupapis garan llojshinrämi. Mana tantiyacoj upami ichanga ñuchushanyaj agaptinpis upa cayninta mana cachaycunchu.

Proverbios 1:22

«Mana tantiyacojcuna, ¿imaycamaraj llutancunallapaj yarparaycanqui? Pitapis mana cäsoj mösucuna, ¿imaycamaraj pï-maytapis asipar cushipanqui? Yarpayniynaj mösucuna, ¿imaycamaraj yachaj caytapis manacajman churarcaycanqui?

Job 22:13

Chayno caycaptin gamga ninqui: ‹¿Imanöpataj Tayta Dios musyanga? Yanauyaycaj chacajpitaga ¿imanöpataj ricamonga?

Apocalipsis 21:8

Juchasapacunami ichanga nina gochaman aywanga. Chayga caycan guepa caj wañuymi. Chaymanmi aywanga mana wiyacamajcuna, mana yäracamajcuna, chiquicojcuna, wañuchicojcuna, majayoj caycar jucwan cacojcuna, brüjucuna, ïdulucunata adurajcuna, llullacojcunapis.»

Tito 1:16

Llutan yachachicojcuna «Tayta Dios munashannömi goyä» niptinpis llutancunata rurar goyashanta ricarmi runacuna tantiyacun Diosninchïta mana wiyacushanta. Paycunaga Diosninchïta mana wiyacurmi runa-masinta chiquir imatapis alli cajtaga mana ruranchu.

Isaías 1:4

Ay imanöraj canqui juchasapa runacuna, mana allita rurar jucha aparicoj runacuna, juchasapacunapita mirajcuna, pirdicasha wamracuna. Gamcunaga Tayta Diospitami witicurishcanqui. Israelcunapa Santo Diosnintami manacajman churashcanqui. Paytaga gongaycärishcanquinami.

Salmos 107:17

Paycuna waquenga juchanpita gueshyarcaycaran, llaquicurcaycaran.

Job 15:16

Chayno caycaptenga runaga piyur-rächari, mana alli melanaypaj caycarga, yacunaycajnöraj jucha rurayta ashiycarga.

1 Samuel 25:25

Nabaltaga ama cäsupaychu. Tuscumi tayta. Jutinmannömi imata rimashantapis mana tantiyanchu. Imaypis chaynöllami ruran. Gam cachamushayqui runacunata nogaga manami ricashcächu.

Proverbios 13:19

Yarpashanta tariycorga runacuna fiyupami cushicun. Mana tantiyacojcunami ichanga mana alli rurayninta mana cachaycunchu.

Salmos 73:3

Nogaga fiyupami charayta munaparä alli-tucojcuna charashanta. Fiyu runacuna alliman chayaptin pasaypami chiquiparä.

Eclesiastés 7:20

Imano captinpis cay pachachöga manami pipis canchu allillata ruraj, juchata mana imaypis ruräga.

Jeremías 5:12

Israelcunawan Judäcunaga Tayta Diosta mana wiyacur niran: «Diosga manami canchu. Ima mana allipis manami chayamäshunchu. Manami cangachu guërra ni muchuypis.

Jeremías 6:28

Paycunaga llapanpis mana wiyacoj runacunami; willapista, washa rima runacunami. Runsino fyërrunömi carcaycan.