Salmos 139:8 - Tayta Diosninchi Isquirbichishan

⁸ Syëluman aywacuptëpis chaychömi gam caycanqui. Cay pacha rurinman yaycuptëpis chaychöpis gamga caycanquimi.

Salmos 139:8 Referans Kwoze

Jonás 2:2

Mañacur cayno niran: «Fiyupa llaquisha caycashpämi gamman mañacamurä, Tayta Dios. Gamnami yanapämarayqui. Wañushanöna caycashpämi gamman mañacamurä. Gamnami wiyamarayqui.

Abdías 1:4

Ancano may janajcama wichaptiquipis, goyllarcuna caycashancho tiyanayquita ruraptiquipis chaypita garpamushayquipämi.

Proverbios 15:11

Tayta Diosga ricaycanmi wañojcuna maycho caycashantapis. Chayno ricaycarga runa yarpashancunata ¿imanirtaj mana ricanmanchu?

Job 26:6

Wañojcuna caycashan wanwanyaycaj pachaga Tayta Dios ricananpita manami imatapis pacanchu.

Jeremías 23:24

Noga ricanäpitaga ¿piraj pacacunman? Syëluchöpis allpachöpis caycämi. Noga Tayta Diosmi chayno në.