Salmos 139:19 - Tayta Diosninchi Isquirbichishan

¹⁹ Tayta Dios, fiyucunataga wañurachiy. Ñaupäpita garguy wañuchicojcunata.

Salmos 139:19 Referans Kwoze

Salmos 5:6

Illgächinquimi llullacunataga. Melanäcunquimi wañuchicojcunatawan mana allita rurajcunataga.

Isaías 11:4

Pipis mana yanapashancunata alli arriglanga. Nasyuncho caj pobricunatapis rispitacachenga. Paymi nenga ñacachicojcuna castigacänanpaj. Paypa jämaynenga espädanömi fiyucunata wañurachenga.

Salmos 119:115

¡Mana allita rurajcuna ñaupäpita witicuy! Nogaga Diosnëpa mandamintuntami cumlishaj.

Salmos 6:8

¡Lädöpitapis witicuyna mana allita rurajcuna! Tayta Diosga wiyashanami fiyupa wagashäta.

Salmos 64:7

Ichanga paycunata Tayta Diosmi lëchanwan illaparenga. Illajpitami mana alliman chayachenga.

Salmos 55:23

Tayta Dios, wañuchicojcunawan llullacunaga pöcu timpulla cawachun. Amana chayachunnachu pullallanmanpis cawananpaj cajmanga. Gam camacaycachiy paycuna illajpita wañunanpaj. Nogami ichanga gamllaman yäracamö.

Salmos 9:17

Fiyucunawan Tayta Diosta mana rispitajcunaga wañojcuna cashanmanmi chayanga.

2 Corintios 6:17

Mastapis Tayta Diospa palabrancho nin: «Jucha rurajcunapitaga witicuy. Paycunapitaga llojshicuy. Ganra cajcunataga ama yataychu. Chayrämi chasquishayqui.

Mateo 25:41

«Chay ichoj caj-lädöcho caycajcunatanami nishaj: ‹¡Gamcunataga Satanaspaj y yanapajnincunapaj camarisha caycaj imaypis mana upej ninamanmi canan gaycurishayqui!

Salmos 94:23

Fiyucunataga Tayta Diosmi castiganga mana allita rurashanpita. Tayta Diosninchïmi illgarachenga.

Mateo 7:23

Chayno nimaptin nogaga nishäpaj: ‹Gamcunataga manami rejsëchu. Ñaupäpita witicuy juchasapa runacuna› nir.

Salmos 9:18

Pobricunatami ichanga imaypis mana gonganquichu. Gamman yäracamojcunataga yarparaycanquimi.