Salmos 137:4 - Tayta Diosninchi Isquirbichishan

⁴ Juc-lä nasyunchöga ¿imanöparäshi cantaycushwan Tayta Diosta alabana alabansacunataga?

Salmos 137:4 Referans Kwoze

Amós 8:3

Chay castiganä junäga achcajmi wañonga. Wañojcunataga pacayllapami juc-läman jitariycärenga. Chaymi palasyucho cushicur cantananpa ruquenga llaquicuypitana wagayman churacangapaj.» Chayno cananpämi Tayta Dios nisha.

Oseas 9:4

Tayta Diostaga bïnutapis manami garanquipänachu. Uywacunatapis manami pishtapanquipänachu. Micushayqui tantaga canga wañupacur micunan tantanöllanami. Pipis chay tantata micoj cäga ganranami cangapaj. Chay tantataga quiquiquicunallami micunquipaj. Manami allichu canga Tayta Diosta garanayquipäga.

Isaías 22:12

Chay junaj munayniyoj Tayta Dios gamcunataga nishurayqui waganayquipaj, llaquicur ajchayquicunatapis rutucunayquipämi. Chayno nishurayqui llaquicushayqui musyacänanpaj gachga röpacunatapis jaticunayquipämi.

Isaías 49:21

Chaura gamga yarpaynillayquicho ninquipaj: ‹Nogapaga wamräcuna manami cashachu. Ni wawa tariytapis manami yachashcächu. Chauraga ¿maypitataj cay wamräcuna yurimusha? Nogaga jitarisha, shuyni quiquillämi tiyashcä. ¿Pitaj uywasha paycunataga? Japallätami cachaycamaran. Paycunaga ¿maypitataj shamusha?› nir.»

Eclesiastés 3:4

Canmi wagana timpu; asina timpupis. Canmi lütuna timpu; fistata rurana timpupis.