6 Cay pachata yacu jananpa mashtajta agradësicuy-llapa. Pay cuyacoj cashanga imaycamapis chaynöllami.
Tayta Diosmi cay pachata camacächisha lamar jananman. Y sumaj tacyachisha mayucuna jananman.
Tayta Diosmi munayninwan cay pachata camasha. Fiyupa yachaj cayninwan cay munduta tacyachisha. Yarpaysapa cayninwan syëlutapis camacächisha.
Chaypitana Tayta Dios niran: «Ura caj yacu juc pachallaman shuntacächun allpa ricacänanpaj.» Chaura nishannölla caran.
Tayta Diosmi gamcunataga manaräpis yuriptiqui rurashurayqui. Paymi imapitapis ricashunqui. Paymi nin: «Nogami ima-aycatapis camaj Tayta Dios caycä. Syëlutapis allpatapis nogami mashtar sumaj camacächishcä. Pipis manami yanapämashachu.
Syëluta camarcur intërupa mashtacächejmi, cay pachata camajmi, cay pachacho ima ayca cajcunatapis camajmi, runacunata cawachej, jämayta goj Tayta Diosmi sirbejninta cayno nin:
Imapis mana cashanmanmi syëluta Tayta Dios mashtaran. Imapis mana cashanmanmi cay pachatapis warcusha.
Cay willacuyga caycan Israelcuna imano cananpäpis Tayta Dios willacachimashanmi. Syëluta camacächej, cay pachatapis sumaj tacyachej y runata cawayta goj Tayta Diosmi cayno nin:
Tayta Diospaga jamanan caycan syëlupa jananchömi. Runacunataga chuspitanöllami ricaycämanchi. Paymi syëlutaga llantucunatanöpis mashtacächiran. Toldu wasi lluylluraycajta runa ichichir mashtajnömi mashtaran.
Gamga Tayta Diosta ¿yanapanquimanchu mana cuyucoj cananpaj syëluta mashtäshiyta?