Salmos 136:2 - Tayta Diosninchi Isquirbichishan

² Llapan dioscunapita mas munayniyoj Diosta agradësicuy-llapa. Pay cuyacoj cashanga imaycamapis chaynöllami.

Salmos 136:2 Referans Kwoze

Deuteronomio 10:17

Tayta Diosninchëga ima dioscunapitapis mas munayniyojmi, mandajcunapitapis mas munayniyojmi. Payga fiyupa manchacuna Diosmi. Payga pï-maytapis iwalnintami rican. Pipa faburnin cananpäpis manami ima saynitapis chasquinchu.

Salmos 97:9

Janaj pachacho caycaj Tayta Dios, gamga caycanqui intëru allpa jananpa, waquin dioscunapitaga mas janajchöraj.

Daniel 2:47

Nircur Danielta niran: «Gamcunapa Diosniquimi ichanga llapan dioscunapitapis mas munayniyoj. Paymi raycunapa mandajnin, mana pipis musyashancunata musyachicoj. Chaymi gamtapis musyachishurayqui pipis mana musyashan suyñöta.»

2 Crónicas 2:5

«Templutaga jatuntami rurachishaj. Nogacunapa Diosnëga waquin dioscunapitaga mas munayniyojmi.

Josué 22:22

«Munayniyoj Tayta Diosllami musyan. Manami mana wiyacoj caypitachu, ni paypita witicunäpächu cay altarta rurashcä. Canan örami musyaycan. Gamcunatapis musyachishunquimi. Llutan yarpaypa rurasha captëga mana cuyapaypa wañuycärachimay.

Éxodo 18:11

Egipto runacuna manacajman churashushpayqui pasaypa ñacaycächishushayquipitami jorgushurayqui. Chaymi cananga musyä Tayta Dios waquin dioscunapita mas munayniyoj cashanta.»

Salmos 97:7

Pengay-tucushami canga ïdulucunata adurajcunaga. Ïduluncunallawanmi paycunaga alli-tucusha. Llapan dioscunapis Tayta Diostaga rispitanmi.

Salmos 82:1

Syëlucho caycajcunapita mas munayniyojmi Tayta Diosga. Paymi chaupicho ichircur llapan dioscunata jusgar nin: