Salmos 135:6 - Tayta Diosninchi Isquirbichishan

⁶ Tayta Diosga munashantami ruran syëluchöpis cay pachachöpis, lamarchöpis lamar rurinchöpis.

Salmos 135:6 Referans Kwoze

Daniel 4:35

Paypäga manami imapischu cay pachacho tiyaj runacunaga. Payga munashannömi imatapis ruran, janaj pachacho cay pachachöpis. Paytaga manami pipis ichipanchu. Manami pipis tapunpischu ‹¿imanirtaj chayno rurashcanqui?› nir.

Salmos 115:3

Tayta Diosnëga syëluchömi caycan. Payga munashan cajta llapantami rurasha.

Mateo 28:18

Disïpuluncuna caycashanman witiycurna Jesús niran: «Tayta Diosga maquëman llapantami churasha cay pachacho cajtapis syëlucho cajtapis.

Isaías 46:10

Nogami gallarinanpita-pacha willacachë imano cananpaj cashantapis. Shamoj watacunacho ima cananpaj cajtapis achca wata pishiycaptillannami willacachë. Ruranäpaj yarpaycashäcunaga rasunpa llapanmi cumlenga. Rurayta munashä cajtaga llapantami rurashaj.

Salmos 33:11

Tayta Diosmi ichanga rurayta yarpashanta ruran.

Salmos 33:9

Paypa shimillanwanmi llapanpis ruracasha. Rimarcushallanpitami llapanpis casha.

Amós 9:6

Tayta Diosga janaj syëluchömi camacächisha tiyananta. Cay pacha jananpanami asulyaraycajta camacächir tacyachisha. Quiquin Tayta Diosmi gayan lamarcho caycaj yacucunata. Nircorga chajchurin intëru allpa jananman. Paypa jutenga Tayta Diosmi.

Amós 4:13

Rasunpa chaynömi ruranga. Tayta Diosga caycan puntacunatapis camajmi, wayratapis yurichimojmi. Paymi runacunata musyachin imata pay yarpaycashantapis. Paymi achicyajtapis ticrachin chacayman. Paymi purin cay pachachöga intërupa. Paypaga jutinpis munayniyoj Tayta Diosmi.

Mateo 14:25

Pacha waraymannaga Jesús yacu janallanpa aywaycaran disïpuluncuna caycashan cajman.

Job 42:2

«Nogaga musyämi gamlla llapanpaj munayniyoj cashayquita. Rurayta yarpashayqui cajtaga llapantami ruranqui.

Daniel 4:32

Gamga manami runacunawan iwalnachu tiyanquipaj. Animalcunawan iwalnami goyanquipaj. Wäcacunanöpis guewata micullarmi cawanquipaj ganchis watacama. Janaj pachacho caycaj Tayta Dioslla pitapis ray cananpaj churashanta reconösinayquicamami chaynölla canquipaj.»