Salmos 127:2 - Tayta Diosninchi Isquirbichishan

² Yangami pacha warashanpita pacha chacänancamapis micunallanpaj arun. Tayta Diosmi ichanga payman yäracojta alli puñuyta tarichin.

Salmos 127:2 Referans Kwoze

Eclesiastés 5:12

Arucoj ruracoj runaga wallcata achcata micurpis sacsananyajmi puñun. Rïcumi ichanga charashancunapaj yarpachacur puñuytapis mana tarinchu.

Salmos 4:8

Nogaga jaucami puñucöpis. Tayta Dios gamman yäracushpämi cushishallana cawä.

Job 11:18

Tayta Dios ricashuptiquimi payman yäracur jauca puñunquipaj.

Salmos 3:5

Tayta Dios yanapämaptinmi jauca puñucö, jauca ricchamö.

Jeremías 31:26

Chayno niycämaptin riccharaycamurä. Chaynöta suyñuycur fiyupa cushicurä.

Ezequiel 34:25

« ‹Uyu uyshano caycaj acrashä runacunawanmi alli parlacushaj allillana goyänanpaj. Israel nasyunpitaga micucoj animalcunata illgächishämi. Chaura paycunaga jäcoj intëru jircacunacho mana manchacuypana tiyacongapaj. Munticunachöpis puñucongapaj.

Eclesiastés 1:14

Chaymi tantiyacushcä llapanpis cay pachacho rurashanchëga manacajllapaj cashanta. Wayrata chariyta munajnöllami caycanchi.

Eclesiastés 6:7

Runaga waran-waran arun micunallanpämi. Chaypis manami imaypis yamanchu.

Eclesiastés 4:8

Japallan runa arun mana jamaypa, amïgun, ni wamrancuna, ni wauguincunapis mana caycaptin. Chay runa ima-aycatapis masta mastami munaycan. Nircur chay runa yarpachacun «Chay-jina ¿pipäraj arö? ¿Imanirtaj gustashätaga mana rurächu?» nir. Chay-jina ñacashanpis yanga-yupayllami.

Salmos 60:5

¡Cananga munayniquiwan salbaycamay ari! ¡Cuyashayqui runacunata salbaycuy ari! ¡Wiyaycamay ari!

Proverbios 10:22

Tayta Diospa bindisyunninwanmi alli cawan. Chay bindisyunwanga manami ima llaquicuypis canchu.