Salmos 120:4 - Tayta Diosninchi Isquirbichishan

⁴ Tayta Diosmi guërracho pillyajcuna illapanacushanno llauchi puntayoj nina rataycaj lëchawan illaparishunquipaj.

Salmos 120:4 Referans Kwoze

Proverbios 19:9

Alman ranticojcunaga castïguchömi canga. Llullacunatapis wañuymi shuyaraycan.

Proverbios 18:21

Wañuytapis cawaytapis shiminpitami tarin. Alläpa rimajcunaga shiminpitami imanöpis ñacanga.

Proverbios 19:5

Alman ranticojcunaga castïguchömi canga. Llullacunapis castïguchömi canga.

Proverbios 16:27

Fiyu runaga rataycaj jurnunömi. Llapan rimashancunapis caycan ninapa wapchayninnörämi.

Salmos 45:5

Gampa lëchayquicunaga llauchi punta cashpanmi chiquishojcunapa shonguncamapis chayarin. Tayta ray, llapan runacunami gammanga gongurpacamonga.

Apocalipsis 21:8

Juchasapacunami ichanga nina gochaman aywanga. Chayga caycan guepa caj wañuymi. Chaymanmi aywanga mana wiyacamajcuna, mana yäracamajcuna, chiquicojcuna, wañuchicojcuna, majayoj caycar jucwan cacojcuna, brüjucuna, ïdulucunata adurajcuna, llullacojcunapis.»

Proverbios 12:22

Llullacojcunataga Tayta Dios melanäcunmi. Allita y rasun cajta rurajcunatami ichanga Tayta Diospis alli rican.

Proverbios 11:18

Fiyucuna mana allita rurar gänashanga manacajnöllami ushacäcun. Alli runacunami ichanga imatapis mana ushacajta chasquenga.

Proverbios 11:12

Mana tantiyacojcunaga rejsinacushanpa washantami riman. Tantiyaj runami ichanga upälla cacun.

Proverbios 11:9

Fiyu runaga rimashanwanmi runa-masinta jagayächin. Alli runacunami ichanga yachaj cashanwan piwanpis alli cawan.

Salmos 59:7

Shimin tarishantami rimarcaycan. Pipis mana wiyashanta yarparmi pï-maytapis ashllin.

Salmos 57:4

Nogaga runa micoj liyuncunapa chaupincho caycajnömi caycä. Liyuncunapa quiruncunanömi caycan lëchancuna, tucsicunancuna. Gallunnömi caycan afilasha sablincunaga.

Salmos 52:5

Chaypitami Diospis quiquiquita illgächishunquipaj. Charircurmi wasiquipita jitarishunquipaj. Mananami cawanquipänachu. Selah

Salmos 7:13

Nina ratataycaj lëchawanpis apuntaraycanmi. Wañuchicoj armanpis camarishallanami caycan.

Proverbios 18:8

Washa-rimacunaga rimanpis mishquillarämi. Chasquipajpänami caycan shonguncama alli chayajnöraj.

Jeremías 9:7

Chaymi munayniyoj Tayta Dios nin: «Nogaga ¿imatanataj ruräman acrashä runacunata? Gorita chulluchejnörächari paycunataga limyuyächishaj.