Salmos 118:13 - Tayta Diosninchi Isquirbichishan

¹³ Paycunaga mana alliman chayanäpämi firsapita mana allita rurachimayta munarcaycaran. Chaypitapis quiquin Tayta Diosmi salbamaran.

Salmos 118:13 Referans Kwoze

Salmos 140:4

Tayta Dios, chapaycamay fiyucuna charimänanpita. Chapaycamay wañuchicojcunapita. Paycunaga mana alliman chayanallätami shuyaraycan.

Salmos 86:17

Cuyapäcoj cashayquita musyachimay. Chayta ricar chiquimajcunaga pengacongami. Tayta Dios, gammi yanapämashpayqui cushicachimanqui.

Miqueas 7:8

Israelcuna cayno nin: «Nogacunata chiquimaj nasyun runacuna, mana allicho caycajta ricamar ama cushipämaychu. Mana alliman chayasha, tunisha caycarpis jatarishämi. Intëröpami yanauyaycaj chacay caycan. Ichanga Tayta Diosmi achicyajman apamanga.

1 Samuel 25:29

Pï gaticachäshuptiquipis, pï wañuchiyta munashuptiquipis, gamtaga Tayta Diosmi ima-aycapitapis salbashunquipaj. Chiquinacushayquitaga paymi jitarengapaj waracawan rumita waracarejnöpis.

Hebreos 2:14

Noganchïpis runalla carmi ñacanchi, wañunchïpis. Chaymi Jesuspis noganchïno runa yurir ñacaytapis, wañuytapis tarisha. Noganchïno yurircur wañurmi Jesusga wañuypaj munayniyoj caycaj dyabluta binsisha.

1 Samuel 20:3

Chaypis Davidga niran: «Papäniquega musyanmi amïgu cashanchïta. Chaymi musyanayquita mana munanchu llaquicunayquipita. ¡Tayta Diospis musyanmi wañuy janächöna cashanta!»

Salmos 129:2

Fiyupa ñacarmi goyashcä mösu cashäpita-pacha. Ichanga chiquimajcuna manami binsimashachu.