Salmos 112:4 - Tayta Diosninchi Isquirbichishan

⁴ Alli runacunapäga chacajcho caycaptinmi achqui yurircusha. Tayta Diosga alli shongumi, cuyapäcojmi, allillata rurajmi.

Salmos 112:4 Referans Kwoze

Job 11:17

Gampäga las-dösinörämi pachapis achicyacäconga. Gampaj pacha usharashanpis pacha warashanömi ricacongapaj.

Isaías 58:10

quiquiquipaj cajta yargaycaj runata goycuptiqui, llaquicuycajta nistashanwan yanapaptiqui, chacajchöno carpis achicyajnömi canquipaj. Chacäpacushano cashayquipis pullan junajmannömi ticracurenga.

Salmos 97:11

Allita ruraj runataga Tayta Diosmi achquipanga. Tayta Dios munashanno ruraj runacunapäpis cushicuymi canga.

1 Juan 3:7

Cuyay ermänucuna, pipis cuydä engañargushunquiman. Allita rurajcunaga Jesusno allimi.

Lucas 6:36

Tayta Diosninchi cuyapäshushayquino gamcunapis cuyapay pï-maytapis.

1 Juan 2:29

Musyanchïmi Jesucristo juchaynaj cashanta. Chaymi pipis juchata mana ruraptenga musyanchi Tayta Diospa wamran cashanta.

Efesios 4:32

Chaypa ruquenga jucniqui-jucniquipis alli ricanacur caway. Tayta Diosninchi Jesucristu-raycu perdunashushayquinölla gamcunapis perdunanacuy.

Salmos 106:1

¡Aleluya! ¡Tayta Diosga alabasha cachun! Tayta Diosta agradësicuy-llapa amatar alli cashanpita. Pay cuyacoj cashanga imaycamapis chaynöllami.

Efesios 5:9

Jesucristo munashanno cawarga cuyapäcojmi canchi, allillatami ruranchi, rasun cajllatami rimanchïpis.

Juan 12:46

Nogaga achquimi cä. Cay pachaman shamushcä nogaman riguejcuna chacaychöno mana cawananpämi.

Salmos 37:6

Chauraga Diosmi allita ruraj cashayquita ricacächenga. Alli runa cashayquitana pï-maytapis musyachenga.

Malaquías 4:2

Gamcuna, rasunpa rispitamar wiyacamajcunapämi ichanga salbacoj caynë cangapaj mana gueshyanayquicunapaj inti ratamushanno. Chaura gamcunanami cushicuypita pinticachanquipaj besëracuna wichgarashanpita llojshir pañashannöraj.

1 Juan 3:10

Diospa wamran cajcunapis, dyablupa wamrancunapis maysi rejsipayllami. Pipis juchata ruraj cäga, ermänucunata chiquej cäga manami Diospa wamranchu.

Efesios 5:15

Chaymi imano cawarcaycashayquipäpis sumaj yarpachacuy. Mana tantiyacoj runano cawanayquipa ruquenga sumaj yarpachacurir Tayta Diosninchi munashannöna caway.

Isaías 50:10

¿Pitaj Tayta Diosta rispitan? ¿Pitaj Tayta Diosta sirbejta wiyacun? Chacaycho purirpis Tayta Diosman yäracojcunallami, upinaycajlla achquin caycaptinpis Diosman guellicojcunallami wiyacun y rispitan.

Job 22:28

Ima ruraychöpis allichömi llojshinquipaj. Llapan mana allicuna cashanpis pacha achicyacäcojnömi ricacongapaj.

Job 29:3

Pay achquinwan achquipämaptinmi chacaypapis alli purej cä.

Salmos 116:5

Tayta Diosga allita rurajmi, cuyapäcojmi. Tayta Diosninchëga alli shongumi.

Salmos 145:17

Tayta Diosga llapan aunishantapis cumlinmi. Llapan rurashancunatapis cuyapanmi.

Proverbios 21:21

Alli cajta rurajcuna, cuyapäcoj cajcunaga alli cawaytami tarenga, y pï-maypis rispitangami.

Isaías 58:8

Chauraga gamcuna canquipaj pacha waraptin achicyajnömi. Chayno captiquega allchacächishayquipänami. Allita rurashayquimi ñaupayquita aywajno canga. Nogapa munaynënami guepayquita shamojno canga.