Salmos 109:5 - Tayta Diosninchi Isquirbichishan

⁵ Allita rurashäpitami mana alliwan cutichimasha. Cuyashäpitami chiquircaycäman.

Salmos 109:5 Referans Kwoze

Proverbios 17:13

Alli yanapaycaptin mana alliwan cutichejpa wasinchöga manami imaypis mana alli goyay pishengachu.

Salmos 38:20

Noga allita rurashäpita mana alliwanmi cutiycächiman. Noga alli cajllata ruraptëmi paycunaga chiquicarcäraman.

Génesis 44:4

Aywacoj runacuna siudäpita manaraj caruta aywaptinmi Josëga sirbintinta cayno niran: «Ayway chay runacunapa guepanta. Tariparcur cayno ninqui: ‹¿Imanirtaj gamcunapaj alli caycaptëga mana allita rurashcanqui? ¿Imanirtaj guellay bäsuta suwacamushcanqui?

Juan 13:18

«Caynöga niycä manami llapayquipächu. Noga musyaycämi pï-pïlla acrashä caycashantapis. Jucniquipäga Tayta Diospa palabran cumlinanpämi nin: ‹Iwal micur goyashämi conträ ricacusha› nir.

Lucas 6:16

Santiagupa wauguin Judas, chayno Jesusta wañuchinanpaj entregaj Judas Iscariotepis.

2 Samuel 15:31

«Ahitofelmi Absalonpa shimita gojnin» nejta mayar Davidga Tayta Diosta mañacuran Ahitofel yarpashan mana camacänanpaj.

2 Samuel 15:12

Absalonga gayachiran Davidpa willapajnin Ahitofeltapis. Payga caran Gilo siudäpita. Gayachiran Tayta Diosta rispitar uywata pishtaptin yan'gänanpaj. Absalón rayta guechuyta yarpashanga rasunpaycaranna. Absalonpa faburnin cäga masna yapacarcaycaran.

1 Samuel 19:5

Payga wañuytapis mana manchaypa wañuchiran jatuncaray Filistea runatapis. Chaynöpami Tayta Dios salbaran llapan Israelcunata. Quiquiquipis chayta ricarga cushicurayquimi. ¿Imapitataj juchaynaj caycaptin wañuchiyta munanqui Davidta?»

Jeremías 18:20

Paycunaga mana alliman tunichimänanpämi uchcuta rurasha. ¿Allita rurashanchïpita mana alliwanchu cutichimanchi? Paycunapaj fiyupa rabyasha caycashayquipita allchacänayquipaj paycunapa faburnin gamta ruwacushäta yarpaycuy ari.