Salmos 109:13 - Tayta Diosninchi Isquirbichishan

¹³ Paycunapita mirajcunapis chayllachöna ushacächun. Chay apillïduga illgächunna.

Salmos 109:13 Referans Kwoze

Proverbios 10:7

Alli runataga alli cashanpita fiyupami yarparan. Fiyu runatami ichanga manapis aycällatana gongaycärin.

Salmos 37:28

Tayta Diosga cuyan allita rurajtami. Pay munashannölla cawajcunataga manami gonganchu. Juchasapacunatami ichanga illgächin. Chaynöpami paycunapaga wamrancunapis mana cangachu.

Job 18:19

Wasinchöga manami jucnayllapis quëdangachu. Paypita mirajcuna marcancho manami ni jucnayllapis cangachu.

Jeremías 22:30

Tayta Dios nin: «Cay runaga fiyupa mana allimanmi chayasha. Paytaga actamanpis apuntay wamraynaj runatanöna. Paypita mirar aywaj cäga Judächo yapay ray cananpaj manami mayganpis David jamarashan silluncho jamarangapänachu.»

Salmos 21:10

Fiyu runacunapa wamrancunataga illgarachengami. Chay runapita mirajcunataga ushajpämi usharenga.

1 Samuel 3:13

Maynami willashcä paypa famillyancunaga illgänanpaj. Payga musyaycannami. Wamrancunami conträ rurasha. Elïga musyaycarpis mana piñacushachu.

Deuteronomio 29:20

Tayta Diosga manami perdunashunquipächu, sinöga fiyupa rabyashpanmi cay librucho isquirbiraycaj llapan maldisyuncunawan castigashunquipaj gampita mirajcunapis ushacashanyaj.

Deuteronomio 25:19

Goycushunayquipaj caycaj nasyuncho contrayquicunata ushacächinayquipaj Tayta Dios yanaparcushuptiqui Amalec runacunatapis ushacächinayquipaj mana gongaypa aywanqui.

Deuteronomio 9:14

Chay runacunata cananga ushacächishaj pipis mana yarpänanpaj. Chaymi gamga ama chapämaychu. Paycunapa ruquin gamllapitami mirachishaj juc nasyunmanna aypajta. Chaura gampita mirajcunaga cangapaj paycunapita mas aypallami.›

Números 27:4

Chayno wañusha captinpis papänëpa jutenga manami gongacanmanchu waquin caj famillyacunachöga ollgu wamran mana cashallanpitaga. Jutin mana illgänanpaj papänëpa castancunata chacrata raquipashayqui cajcho nogacunatapis raquipämay.»

1 Reyes 16:11

Raypa sillunninman Zimri jamaycorga Baasapa llapan castanta wañuchiran. Ollgu cajtaga manami juctapis cawaycajta cachaycuranchu. Castantapis amïguncunatapis wañuchiran ticrapar wañuycachinanpita.

Job 18:17

Chay runata cay pachachöga gongayconganami. Chay runapa jutintapis manami parlanganachu.

Salmos 21:11

Chay runacuna imata rurashuyta munashpanpis imata rurashuyta yarpashpanpis manami imatapis rurashunquipächu.