Salmos 104:1 - Tayta Diosninchi Isquirbichishan

¹ Llapan shongöpami Tayta Diosta alabashaj. Tayta Diosnillä gamga fiyupa munayniyojmi canqui. Gamga achicyaypa achicyaycaj röpashami caycanqui.

Salmos 104:1 Referans Kwoze

Salmos 103:22

Tayta Diosta alabay-llapa pay camashan cäga maychöpis pay mandashan cajchöga. Nogapis llapan shongöpami Tayta Diosta alabashaj.

Salmos 145:3

Tayta Diosga fiyupa munayniyojmi. Chaymi alabananchi camacan. Pay munayniyoj cashanga tantiyaytapis mana atipaypämi.

Salmos 96:6

¡Pay caycashanchöga fiyupa achicyajmi! ¡Pay tiyashan cajchöga munayninpis caycanmi!

Isaías 59:17

Pay allita rurashanmi pillyar chapacunan chalëcuno ricacusha. Salbacoj cayninnami cascunno ricacusha. Ayñita cutichicoj cayninna röpanno ricacusha. Fiyupa rabyasha cashanna jacucushanno ricacusha.

Salmos 93:1

¡Tayta Diosmi ray! ¡Tayta Diosga achicyaypa achicyaycaj röpashami caycan! Payga munayniyoj cayninwanmi fiyupa achicyacurcusha. Paymi cay mundutapis sumaj tacyachisha mana cuyucunanpaj.

Daniel 9:4

Chaymi llapan juchäcunapita Tayta Diospa ñaupancho cunfisacur cayno mañacurä: Fiyupa munayniyoj, jatun Tayta Dios, imatapis aunishayquita gamga llapantami cumlinqui. Chaymi cuyacoj cashayquitapis musyachinqui mandamintuyqui nishanta cumlejcunata, cuyashojcunataga.

Salmos 104:35

Juchasapacunaga cay pachapita illgächun. Mana allita rurajcunaga amana cachunnachu. Llapan shongöpami Tayta Diosta alabashaj. ¡Aleluya! ¡Tayta Diosga alabasha cachun!

Jeremías 23:24

Noga ricanäpitaga ¿piraj pacacunman? Syëluchöpis allpachöpis caycämi. Noga Tayta Diosmi chayno në.

Salmos 7:1

Tayta Dios, gammanmi pacacuyta ashë. ¡Gaticachämajcunapitaga salbaycamay!

Habacuc 1:12

Tayta Dios gamga Santo Diosmi canqui. Imaycamapis cawaj cashpayquimi nogacunata wañunäpita salbaycämanqui. Imapitapis chapämaj gagano caycaj Tayta Diosnë, gammi Caldea runacunataga yanapashcanqui munashayquino yarpaycashayquita rurananpaj.

Daniel 7:9

«Chayno ricapaycaptillämi jamacuna silluncuna yurircuran. Chayman juc auquin jamaycuran. Paypa röpanna caran rashtano yuraj. Ajchanpis caycaran tagshasha yuraj millwanöraj. Jamacuna sillunwan ruyranga caycasha nina ratataycajmi.

Salmos 95:3

Tayta Diosga fiyupa munayniyojmi. Paymi llapan dioscunapa raynin.