Salmos 102:2 - Tayta Diosninchi Isquirbichishan

² Llaquicuycaptëga nogapita ama pacacuychu ari. Wiyaycamay ari. Mañacaycämuptëga juclla yanapaycamay ari.

Salmos 102:2 Referans Kwoze

Salmos 69:17

¡Ama ñïgaycamaychu ari! ¡Juclla yanapämay ari canan ñacaycashä öra!

Isaías 8:17

Jacobpita mirar aywaj runacunapita Tayta Dios pacacusha captinpis nogaga paymanmi imaypis yäracö. Imano captinpis payllamanmi yäracuycä.

Salmos 27:9

Nogapita ama pacacuychu. Ama wasguipämaychu. Gamllami imachöpis yanapämanqui. Japallätaga ama cachaycamaychu ari. Gamllami canqui salbamaj Tayta Diosnëga.

Salmos 104:29

Ticracurcuptiquega paycuna mancharinmi. Jämayninta shuntacurcuptiquega wañushpan allpamanna ticracurin.

Salmos 70:1

Taytallau Tayta, salbaycamay ari. Tayta Dios, canan öra shaycamuy yanapämänayquipaj.

1 Corintios 10:13

Llapanchïpäpis simrimi imallapis juchaman chayachiyta munamajninchi canga. Ichanga Tayta Diosman yäracusha pay musyanmi maycamalla awantananchïpaj cajtapis. Chaymi ima jucha ruraycunapis tunichiyta munamaptinchi yanapämäshun mana tuninanchïpaj.

Salmos 143:7

Tayta Dios, juclla yanapaycamay ari. Jämaynëpis ushacaycannachaj. Ama cachaycamaychu. Cachaycamaptiquega wañojcunanönachari cashaj.

Salmos 71:2

Tayta Dios, allita rurajmi canqui. Salbaycamay ari. Wiyaycallämay, yanapaycallämay ari.

Isaías 43:2

Mayucunata chimpaptiquipis nogaga gamcunawanmi caycäshäpaj. Mayu yacupis manami apashunquipächu manami shenganquipächu. Nina chaupinpa päsaptiquipis manami rupashunquipächu. Gamcunachöga ninapis manami ratangapächu.

Salmos 40:13

Taytallau tayta, salbaycamay ari. Tayta Dios, canan öra shaycamuy yanapämänayquipaj.

Salmos 31:2

Wiyaycamay ari. Apurä salbaycamay ari. Gam caycullay chapämaj gaga. Salbaycamay ari.

Salmos 22:19

Tayta Dios ichanga gammi yanapämanqui. ¡Ama cachaycamaychu! ¡Yanapaycamay ari!

Salmos 13:1

Tayta Dios, ¿imaycamaraj mana yarpämanquichu? ¿Para-simrinachuraj gongaycamanqui? ¿Imaycamaraj nogapita pacaräcunqui?

Job 34:29

Dios mana rimacuptenga ¿piraj payta jitapanman? Dios ticracurcuptin runaga ¿imataraj ruranman? Paymi ricaycan marcacunatawan runacunatapis,

Job 7:21

¿Manachu juchäta perdunamanquiman? ¿Manachu mana allita rurashäta perdunamanquiman? Manapis aycällatanami wañucushaj. Ashimaptiquipis manami cashänachu.»

Isaías 65:24

Paycuna manaräpis mañacamaptinmi Nogaga mayna yanapaycäshaj. Manaräpis rimayta ushaptin Nogaga maynami wiyashana caycäshaj.

Éxodo 2:23

Chaypita mas unaytanaga Egiptupa raynin wañuran. Israelcunaga jinalla Diosta mañacurcaycaran amatar ñacay aruycunacho cashpan. Chayno llaquicur mañacushancunata Dios wiyaran.

Éxodo 2:24

Abrahamwan Isaacwan Jacobwan unay conträtu rurashanta yarpashpanmi mañacushanta wiyar cuyaparan.

Salmos 17:1

Tayta Dios, wiyaycamay ari. Chaynöpami musyanquipaj juchaynaj cashäta. Sumaj wiyaycamay mañacamushäta. Nogaga manami llullacurchu mañacamö.