Salmos 102:1 - Tayta Diosninchi Isquirbichishan

¹ Tayta Dios, mañacamushäta wiyaycamuy. Quijacamushätapis wiyaycamuy ari.

Salmos 102:1 Referans Kwoze

Salmos 18:6

Fiyupa llaquicurmi Tayta Diosta mañacurä. Mañacurä yanapämänanpaj. Payga wiyamaran Templunpita. ¡Gaparayparaj mañacushäta wiyaran!

Salmos 61:2

Callpaynajnönami caycä. Chaymi cay pachapa juc cuchunpita-pacha gayacaycämö. Salbacunäpaj altunnin gagaman pushamay.

Salmos 39:12

«Tayta Dios, wiyaycamay ari mañacaycämushäta. Wagaycaptëga ama ricapäcamaychu. Gampäga noga cä jäpa runanöllami. Unay caj awilöcunanöpis manapis aycällatami wañucushaj.

Éxodo 2:23

Chaypita mas unaytanaga Egiptupa raynin wañuran. Israelcunaga jinalla Diosta mañacurcaycaran amatar ñacay aruycunacho cashpan. Chayno llaquicur mañacushancunata Dios wiyaran.

Hebreos 5:7

Jesucristoga cay munducho goyaycashpan wagayparaj, gayacuyparämi ruwacuran. Wañuypita salbacoj Tayta Diosta mañacuran «Yanapaycallämay munashayquino llapanpis camacaycunanpaj» nir. Tayta Dios nishanta ruraj captinmi mañacushanta wiyaran.

Lucas 22:44

Fiyupa llaquicushpan llapan shongunpa mastaraj Tayta Diosta mañacuran. Südayninpis yawarnöraj pampaman juturan.]

Lamentaciones 3:44

Nogacuna ruwacur mañacamushäta mana wiyanayquipämi pucutayman yagacuycurayqui.

Lamentaciones 3:8

Yanapämänanpaj mañacur gaparaycaptëpis ruwacushätaga manami wiyamashachu.

Salmos 143:7

Tayta Dios, juclla yanapaycamay ari. Jämaynëpis ushacaycannachaj. Ama cachaycamaychu. Cachaycamaptiquega wañojcunanönachari cashaj.

Salmos 143:4

Fiyupa llaquishami caycä. Yarpachacuycaptillämi shongöpis aburrïru ricacusha.

Salmos 5:2

Raynë, Tayta Diosnë, ruwacaycämushäta wiyaycullay. Gamtachaj mañacaycämö ari.

2 Crónicas 30:27

Chaypita cüracunawan Leví runacunaga ichircur llapan runacunata bindisyunta goran. Chaymi paycunata Tayta Dios wiyaran. Mañacushancunapis juchaynaj Tayta Dios caycashanman chayaran.

1 Samuel 9:16

«Wara cayno örami juc runata Benjamín trïbupita cachamushaj. Paytami churanqui acrashä Israelcunapa raynin cananpaj. Paymi salbanga Filistea runacunapita. Filistea runacuna ñacachiptin mañacamashanta wiyashcänami. Acrashä runacunataga cuyapashcänami.»

Jueces 10:16

Chayno nirmi Israelcunaga juc-lä nasyun runacunapa manacaj diosnincunata aduraycashanta illgächiran Tayta Diostana yapay adurananpaj. Tayta Diospis manana munarannachu Israelcuna chaynölla ñacarcaycänantaga.

Salmos 145:19

Payta rispitajcuna imatapis mañacushantaga llapantami camacächin. Mañacuptin imapitapis salbanmi.

Salmos 77:3

Tayta Diosta yarpärishpäga wagämi. Yarpachacushpä manami ima ruraytapis camäpacöchu. Selah

Salmos 62:8

Marca-masëcuna payllaman yäracuyga ari. Mana manchacuypa willapay mañacushayqui öra. ¡Tayta Diosmi pacacunanchëga! Selah

Salmos 42:4

Ñaupata goyashäpaj yarpärirmi fiyupa llaquicö. Yarpä aypalla runacunawan Tayta Diospa wasinman aywashäta. Pushaptë runacunaga aywaj fistacho cushicur Tayta Diosta alabananpaj.

Salmos 12:5

Tayta Diosga caynömi nin: «Pobricunata, wacchacunata, ñacachishpan munashanta ruraycächin. Chaypitami cananga salbashaj yanapänäpaj shuyaycämajcunataga.»