Salmos 10:7 - Tayta Diosninchi Isquirbichishan

⁷ Paycunaga manacajcunatami llullacun, engañacunmi, ashllicunmi. Shimi puncullanchömi caycan pitapis imatapis ninanpaj.

Salmos 10:7 Referans Kwoze

Salmos 7:14

Masqui ricay fiyu runata: Juchallatami gueshyaj caycan. Mana allicunallatami gueshyaj caycan. Wachangapis llullacuyllatami.

Job 20:12

«Mana allita rurashancuna shimicho mishqui caycaj-japuy captinpis, gallun ruricho caycaj-japuy captinpis,

Salmos 144:11

Mana rejsishä jäpa runacunapita salbaycamay ari. Chay runacunaga llullallatami parlanpis. Llullacur manacajpita jurashpan derëchu caj maquintapis jogarin.

Salmos 140:9

Tumaparaycämajcuna «Maldisyunädu cachun» nishanga quiquincunaman ticrachun.

Salmos 140:3

Paycunapa shimenga caycan culebrapa lansëtanno. Rimashancuna caycan culebrapa benënunno. Selah

Salmos 73:8

Runacunapa washan riman. Llapan runatami cushipan. Fiyupa alli-tucushpan paycunaga pitapis mana allita rurayta munarcaycan.

Salmos 64:3

Paycuna parlashanga fïnu sabli nanächicushannörämi nanächicunpis. Paycuna parlashanga benënuyoj lëchanömi nanächicunpis.

Salmos 59:12

Llapan rimashanchöpis juchallatami rimarcaycan. Quiquincuna runa-tucushanpita, manacajcunata jurashanpita mana alliman chayaycuchun ari.

Salmos 52:4

Llulla runa, gamga runa-masiquita manacajman churaycanqui.

Salmos 36:3

Paycunaga mana allita parlajllami, llullacojmi. Yarpaynin mana captinnami allitaga mana rurannachu.

Mateo 12:34

¡Culebra casta runacuna! Yarpayniqui mana alli caycaptenga ¿allita parlanquimanchuraj? Runaga shongun yarpashantami parlan.

Jeremías 9:6

¡Yapay-yapay mana allicunata rurayllachömi carcaycan! Acrashä runacunaga manami rejsimayta munanchu.»

Jeremías 9:3

Tayta Diosga nin: «Chay runacunaga lëchawan illapananpaj camaricusha caycajnörämi llullacunanpäga listu carcaycan. Cay nasyunchöga llapanpis llullallami; manami rasun cajtaga parlanchu. Paycunaga ‹rejsëmi› nirpis manami rejsimanchu. Waranllanta waranllantami mas piyur ricacuycan.

Isaías 59:4

Pipis manami rasun cajtaga dimandacunnachu. Pipis manami cannachu rasun cajllawan dimanduman chayäga. Chaypa ruquenga llullacunanpaj cajllamanmi yarparaycan. Llullacuyllata rimananpämi carcaycan. Mana allitami gueshyaj carcaycan. Chayno carmi wañuchinacuyllacho carcaycan.

Proverbios 30:8

Engañanäta, llullacunätaga ama munaycuychu ari. Chayno ama rïcuyächimaypischu ni pobriyächimaypischu. Chaypa ruquenga cawanä-tupuylla tariycachimay ari.

Proverbios 21:6

Llullacuyllapa ima-aycatapis tariyga manami allichu. Chayga caycan cushicachimänallapämi, wañuyta ashiyllami.

Salmos 144:8

Chay runacunaga llullacuyllatami rimanpis. Manacajpita jurashpan derëchu caj maquintapis jogarin.

Salmos 62:4

Gamcunaga mana alliman chayachimayllatami yarpanqui. Llullacorga mishquillami parlanqui. Janan shongullami alli parlapämanqui; shonguyquicho ichanga chiquiycämanqui. Selah

Salmos 58:3

Fiyu runacunaga manaräpis yurillarnami fiyu. Mamanpa pachancho caycällarnami llulla.

Salmos 55:21

Paycunaga mishquillami parlan. Shongunchöga wañuchicuyllatami yarparcaycan. Mishquichipayllapa parlarpis ashllicuyllatami yachan.

Salmos 41:6

Ricamaj shamushpanpis janan shongullami parlan wiyanäpaj. Mana alli cajcunata shongullancho yarpan. Nircur washäta parlaraycar aywacun.

Salmos 12:2

Jucnin-jucninpis llullapänacun. Janan shongullami parlan.

Salmos 5:9

Fiyu runacunaga manami imaypis rasun cajtaga rimanchu. Shongunchöpis mana alli yarpaycunallami. Shiminpis sepultüra quicharishanömi caycan. Alli-tucullarmi parlan.

Job 15:35

Chay runacunaga juchallatami gueshyaj caycan. Pachanchöga engañacuyllami caycan. Wachangapis llullacuyllatami.»

Salmos 50:19

Mana allita rimanayquipaj, llullacunayquipaj ichanga shimiquipis cushishallaraj rimarcärin.

Salmos 59:13

Rabyacurcushpayqui chipyaj illgarachiy. Intëruchöpis musyacächun gam Tayta Dioslla Israel runacunachöga ray cashayqui ari. Selah

Amós 8:4

Imano cashayquitapis wiyay-llapa. Gamcunaga umildicunatami ñacaycächinqui. Nasyunniquicho pobri caycajcunatami engañaycanqui.