Salmos 10:16 - Tayta Diosninchi Isquirbichishan

¹⁶ Cay pachachöga Tayta Diosllami imaycamapis ray. ¡Payta mana rispitajcunataga gargongami!

Salmos 10:16 Referans Kwoze

1 Timoteo 1:17

¡Chaymi Tayta Diosninchïta imaypis alabashun! ¡Paymi llapanpäpis munayniyoj, imaycamapis cawaj, mana ricacaj! ¡Amén!

Salmos 29:10

Löcu tamyapis Tayta Diospa munaynillanchömi caycan. Tayta Diosllami imaycamapis rayga caycan.

Jeremías 10:10

Tayta Diosninchïmi ichanga rasunpa Dios caycan. Paymi caycan cawaj Dios, imaycamapis mana rucaj Ray. Pay rabyacurcuptenga cay pacha sicsicyanmi. Pay rabyaptenga manami ima nasyunpis awantanchu.

Daniel 6:26

«Cananga noga në: Cay mandashächöga llapaniquipis Danielpa Diosninta rispitar aduray-llapa. «Paymi cawaj Diosga. Payga imaycamapis caycanmi. Pay mandashanga manami imaypis ushacangachu. Munayniyoj cayninpis chaynöllami imaypis caycanga.

Daniel 4:34

Chaypita Nabucodonosor niran: «Ganchis wata cumlircuptin, noga Nabucodonosor janaj syëluman ricärirä. Chauraga löcuyasha caycashäpita jinan öra allchacäcurä. Chaymi rispitar alabarä janaj pachacho caycaj Tayta Diosta. Cayno nir alabarä: «Pay munayniyoj cashanga manami imaypis ushacangapächu. Mandashanpis mirar aywaj runacunachöpis chaynöllami caycanga.

Salmos 145:13

Gam mandashayquega mana ushacajmi. Mandashayquega imaycamapis maquillayquichömi canga.

Deuteronomio 8:20

Mana wiyacuptiquega Tayta Dios waquin nasyun runacunata ushacächinanpaj cashannömi gamcunatapis ushacächishunquipaj.

Lamentaciones 5:19

Gammi ichanga Tayta Dios imaycamapis mandaycanquipaj. Syëlucho caycaj jamanayquipitami para-simri mandaycanquipaj.

Isaías 33:22

Chay büquicunapa wascancunapis manami watarangapächu guerun ichirajcunaman. Wayra tangananpaj bëlunpis manami mashtacangachu. Chaynöga cangapaj Tayta Dios juezninchi captinmi. Paymi caycan layninchïta ruraj; Paymi rayninchïpis. Paymi salbamäshunpaj. Chauraga chiquinacushanchïpa ima-aycantapis aypallatami guechushunpaj. Guechurcur raquipänacushaga gapracunapis chasquengami. Wegrucunapis yaycongapämi ima-aycantapis guechur apacunanpaj.

Salmos 146:10

Sión, imaycamapis Tayta Diosllami mandanga. Tayta Diosnillayquimi imaycamapis ray canga. ¡Aleluya! ¡Tayta Diosga alabasha cachun!

Salmos 93:1

¡Tayta Diosmi ray! ¡Tayta Diosga achicyaypa achicyaycaj röpashami caycan! Payga munayniyoj cayninwanmi fiyupa achicyacurcusha. Paymi cay mundutapis sumaj tacyachisha mana cuyucunanpaj.

Salmos 78:55

Israelcunawan tacucänanpita quiquin Tayta Diosmi garguran payta mana rispitajcunataga. Nircur chacrataga raquiparan jircanpa-jircanpa cada trïbuta shuyni-cama. Chaychönami tolducunacho tiyachiran.

Salmos 9:15

Mana rispitashojcunaga yaganga quiquincuna uchcuta rurashallanmanmi. Togllata churashanpis quiquincunatami charenga.

Salmos 9:5

Mana rispitashojcunataga piñacushcanquimi. Mana wiyacojcunataga illgächishcanquimi. Paycunataga para-simrina gongaycärinanpämi camacächishcanqui.

Éxodo 15:18

«Tayta Dios gamllami imaycamapis mandaycanquipaj.»

1 Crónicas 29:11

Tayta Dios, gamllami canqui fiyupa munayniyoj. Gammi fiyupa alli canqui. Gampa munayniquichömi caycan llapanpis. Janaj syëlucho caj, cay pachacho cajpis gamllapami. Gamllami llapantapis mandanqui. Gammi canqui llapanpita mas munayniyoj.

Salmos 9:8

Cada ünuntami jusganga imano cashantapis. Llapantapis iwalmi jusgangapaj.