Rut 4:10 - Tayta Diosninchi Isquirbichishan

¹⁰ Chaynöpis gamcuna musyanquimi Mahlonpa biyüdan Rut nogapa warmëna cananpaj cashanta. Chaynöpami Rutpa wawanga Mahlonpa wamrannöna canga. Y Mahlonpa chacranpis Rutpa wawanpana canga. Canan gamcunami testïgu canqui.»

Rut 4:10 Referans Kwoze

Deuteronomio 25:6

Chay biyüdacho rimir yurej wamranga wañoj wauguinpa jutintami apanga. Chaura wañojpa jutin Israelcho manami gongacangachu.

Efesios 5:25

Warmiyoj runacuna, Jesucristo inlisyata cuyashanno warmiquita cuyanquiman. Jesucristoga inlisya-raycumi wañuymanpis chayasha.

Hebreos 13:4

Llapayqui majayoj caycajcuna majayquiwan cuyanacur alli caway. Majayquita jananpar jucwan ama cacuychu. Tayta Diosninchëga jusgangami majanta jananpajcunata y majaynaj caycar jucwan-jucwan cacojcunatapis.

Malaquías 2:14

Gamcunaga ninquiraj: «¿Imanir-raj mana chasquimanchïchu?» nir. Chaynöga caycan Tayta Diospa ricay ñawincho mösu car gam warmiwan majachacashpayqui aunishayquita mana cumlishayquipitami. Pay warmiqui caycaptinpis, payllawan tiyanayquipaj aunisha caycarpis cachaycushcanquimi.

Zacarías 13:2

«Chay junaj cay nasyunchöga intëruchömi ïdulucunata illgächishaj. Chayrämi mastaga manana imaypis parlanganachu chay ïdulucunapaj. Chay nasyunpitaga illgarachishämi llulla profëtacunata. Noga Tayta Diosmi chayno në.

Oseas 12:12

Jacobga Aram partiman gueshpir aywacuran. Chaychönami warminpita pägananpaj aruran uysha michiycho.

Oseas 3:2

Chayno nimaptin nogaga warmëta shuntarä quimsa chunca (30) guellaypa chaninwan. Chunca pichgata (15) guellayninpa pägarä. Pishejmanna sebädata aypachirä.

Isaías 48:19

Gampita mirajcunapis aypallami canman caran. Lamar cantuncho agushno yupaytapis mana atipaypärämi canman caran. Nogaga manami imaypis gamcunata ushacächëmanchu caran. Ñaupäpitapis manami gargömanchu caran.»

Proverbios 19:14

Mamapita taytapitami wasita chacrata chasquin. Alli yarpayniyoj warmitanami Tayta Diospita chasquin.

Proverbios 18:22

Furmal warmiwan majachacayga fiyupa allimi. Furmal warmitaga tarin Tayta Dios bindisyunta goptinmi.

Salmos 109:15

Chayno mana allita rurashantaga Tayta Dios imaypis yarparaycächun. Cay pachachöga jutintapis para-simri gongachun.

Salmos 34:16

Mana allita rurajcunapami ichanga Tayta Dios contran caycan. Paycunataga ushajpämi cay pachapita illgächenga.

Josué 7:9

Cay particho tiyaycaj Cananeo runacuna musyaycärerga shuntacarcurmi shamonga usharamänanpaj. Chaura jutëcunapis gongacanganachari. Chayno captenga ¿imanöparaj runacuna musyanga llapanpaj munayniyoj cashayquita?»

Génesis 29:27

Majachacashayquipita semänaraj goyay Leawan. Chayno goyarcuptiqui Raqueltapis goshayquimi yapay ganchis wata arupämänayqui captenga.»

Rut 4:9

Chaura Boozga mayurcunata, shuntacasha caycajcunata niran: «Gamcunami musyanqui Elimelecpa, Quelionpa, Mahlonpa chacrancunata Noemïpita rantishäta.

Génesis 38:9

Onán musyaran wamran cashpanpis paypa jutinta mana apananpaj cashanta. Chaymi wauguinpa biyüdanwan cacushan öra jorgurir jawaman juturachej. Onanga chayno ruraran wamran yurir wauguinpa jutinta apananta mana munarmi.