Proverbios 7:3 - Tayta Diosninchi Isquirbichishan

³ Yachachishäcunataga imaypis mana gonganayquipaj umayquiman sumaj churacuy. Maquiquiman isquirbiy.

Proverbios 7:3 Referans Kwoze

Proverbios 3:3

Ama imaypis gonganquichu cuyapäcoj cayta. Chaycunataga shonguyquiman sumaj churacuy.

Jeremías 31:33

Israelcunawanga caynömi conträtuta rurashaj: Laynëcunatami paycunapa shongunman isquirbishaj. Yarpayninmanpis churashaj. Paycunami acrashä runacuna canga, noganami Diosnin cashaj. Noga Tayta Diosmi chayno në.

Isaías 30:8

Nircorga Isaiasta Tayta Dios niran: «Cananga chay ribilashäta isquirbiy acta libruman. Nircorga sumaj churay shamoj watacunacho musyananpaj. Chayga canga imaycamapis yarparänanpämi.»

2 Corintios 3:3

Yachachishäno goyaptiquimi Jesucristo isquirbishan cartano caycanqui. Chaytanami nogacunaga runacunata musyaycächë. Chaytaga manami tintawanchu isquirbisha, chaypa ruquenga Cawaj Diospa Espíritu Santunwanmi. Manami läja rumicunachöpischu isquirbiraycan, chaypa ruquenga runacunapa shongunchönami.

Proverbios 6:21

Mana gonganayquipaj shonguyquicho sumaj yarparay. Perlas piñi wallgata wallgarajnöpis mana yamacaypa yarparay.

Jeremías 17:1

Acrashan runacunata Tayta Dios cayno nin: «Judá runacuna, rumi shonguyquichömi juchayquicunaga isquirbiraycan fyërrupita rurasha sinsilwan, llauchi fyërru shucshuwan. Jucha rurashayquicunaga altarniquicunapa wagrancunachöpis isquirbiraycanmi.

Proverbios 7:4

Yachaytaga «pañëmi canqui» niy. Yarpaysapa caytapis «castämi canqui» niy.

Proverbios 4:21

Tantiyachishäcunata ruraytaga ama gongaychu. Llapanta sumaj umayquiman churacuy.

Isaías 59:21

Tayta Diosga caynömi nin: «Nogaga paycunawan parlacurmi conträtuta ruraycä. Chaymi në: ‹Espiritöga gamcunapita manami witengachu. Yachachishäcunapis gamcunapita manami gongacangachu. Imaypis manami gongacangachu gamcunapita ni gamcunapita mirajcunapitapis› nir.»