Proverbios 7:22 - Tayta Diosninchi Isquirbichishan

²² Aunircorga mösupis warmipa guepanta wasiman yaycusha. Pishtananpaj quiquillan töru aywacuycajno, togllaman lluychu yaycupaycoj-japuy yaycusha.

Proverbios 7:22 Referans Kwoze

Job 13:27

Chaquëcunatapis cadinacunawannömi watarcushcanqui. Imata rurashalläpitapis jusgaycämanquimi. Imata rurashallätapis ashiycanqui.

Hechos 16:24

Chaymi Pablutawan Silastaga ruri cajman wichgaran. Chaquincunatapis sëpuman amuchiran mana gueshpinanpaj.

Hechos 14:13

Marca yaycunachömi Zeus diosta aduracunan capillan caran. Capillacho aroj cüraga waytan wallgasha törucunata apamuran. Nircur llapan runacunami adurar törucunata pishtapayta munaran.

Jeremías 20:2

Chaymi magachiran. Nircorga prësu charircachir «Benjamín» jutiyoj puncupa läduncho tablapita sëpu caycajman jatiran. Chay puncupis caran Templuman yaycunami.

Proverbios 6:32

Runapa warminwan cacöga mana tantiyacoj upa runami. Chayno carga quiquillanmi pirdican.

Proverbios 7:21

Chayno cuyacoj shiminwan parlapaycällar, yaparir-yaparir niycällar mösutaga aunichisha.

Proverbios 7:23

Aywasha wañunanpaj cashanta mana musyashpan trampaman pichiusa yaycupaycojno. Shongunpa tucsipaycuptinrämi mayanga.