Proverbios 6:25 - Tayta Diosninchi Isquirbichishan

²⁵ Chay warmi cuyayllapaj car luwarta goshuptiquipis ama rimapanquichu. Ñipchipar ricapäshuptiquipis ama gaticurcunquichu.

Proverbios 6:25 Referans Kwoze

Mateo 5:28

«Chaypis nogaga caynömi në: Juc warmita ricashpayqui munaparga maynami majayquita jananpashanöna caycanqui.

2 Reyes 9:30

Chaypita Jehüga aywaran Jezreel siudäman. Chayman aywashanta musyaycur Jezabelga ñawinta pintacuran. Ajchancunatapis sumaj camaränanpaj allchacuran. Nircorga juc bentänaman aywarcur watgaran.

Isaías 3:16

Mastapis Tayta Diosga nin: «Sión warmicunaga fiyupami alli-tucun. Ñuquiycachaycar guepishtaycachar-raj purinpis. Chaquinman watacushancunata suynachinanpämi jinallanman jinallanmanraj japaycunpis.

Cantares 4:9

Cuyaynë, majallä, shongötami pasaypa turwatächishcanqui. Gam ricäramaptillayquimi, wallgayquicho caycaj culur jïlullawanmi shongö pasaypa cuyacurcushurayqui.

Jeremías 4:30

Chayno captin ¿imataraj ruranqui Sión runacuna? ¿Imapätaj murädu röpatapis jaticunqui? ¿Imapätaj gori aläjacunatapis churacunqui? ¿Imapätaj ñawiquitapis yanawan pintacunqui? Cuyayllapaj cashayquipis yangami. Cuyashayquicunapis llapanmi melanäcushunqui. Paycuna cananga wañunayquitami munarcaycan.

Ezequiel 23:40

«Carupita runacuna shamunanpaj cachancunawan gayachiran. Willachiptin chay runacunaga shamuran. Chaura ishcan ñañana chayajcunata jamachinanpaj bäñacuran, ñawincunata pintacuran, camarächinanpaj bälej aläjacunata jaticuran.

Deuteronomio 5:21

« ‹Ama munapaychu runa-masiquipa warminta. Ama munapaychu chacranta, warmi uywayninta ni ollgu uywayninta, törunta, bürrunta, ni imantapis paypa cajtaga.›

Job 31:1

«Nogaga shongöcho yarparä japalla jipashtapis mana munapänäpaj mana ricapänäpaj.