Proverbios 5:2 - Tayta Diosninchi Isquirbichishan

² Llapan willapashäcunata wiyacorga alli yachajmi canquipaj. Chaynöpami maychöpis yachaj cayniquiwanga alli parlanquipaj.

Proverbios 5:2 Referans Kwoze

Proverbios 16:23

Yarpaysapacunaga sumaj yarpachacurcurmi imatapis riman. Parlashancunaga allimi tantiyachicun.

Proverbios 15:7

Yachajcunaga allita yarpashantami willapäcun. Mana tantiyajcunami ichanga llutallanta yarpan.

Cantares 4:11

Cuyaynë, shimi wirpayquega mishquinörämi. Muchacuyniquipis lëchiwan mishqui caycajnörämi. Röpayquipis Libanucho caycaj muntipa asyayninnörämi cuyayllapaj asyan.

Proverbios 15:2

Yachajcuna parlajta wiyarga allimi yachacun. Mana tantiyajcuna parlarga manacajcunallatami riman.

Proverbios 10:21

Alli runacuna willapashanga achcajtami alli goyayta tarichin. Mana tantiyacojcunami ichanga upa caynillanwan wañuytapis tarin.

Salmos 119:13

Nogaga willacushämi imano jusganayquipäpis nishayquitaga.

Salmos 71:15

Goyay-goyay pï-maytapis willacushaj alli ruraj cashayquita, nogacunata salbamashayquita. Ichanga willapaytapis manami ushämanchu.

Salmos 45:2

Gamga llapan runacunapitapis mas cuyayllapämi canqui. Maysi wiyacuylla allillami parlanqui. Chaymi Tayta Diosga imaycamapis bindisyunta goycäshunqui.

Proverbios 20:15

Goripitawan aypalla guellaypitapis mas alliga yachayninwan yachaj rimashanmi.

Proverbios 3:21

Ïju, mana yamacaypa allillata ruranqui. Sumaj yarpachacurir imatapis allillata ruranqui.