Proverbios 4:4 - Tayta Diosninchi Isquirbichishan

⁴ Papänëmi yachachimar willapämar cayno nimaj: «Llapan willapashäcunata umayquiman sumaj churacuy. Willapashäcunano rurarga allimi goyanquipaj.

Proverbios 4:4 Referans Kwoze

Proverbios 3:1

Ïju, ama gonganquichu llapan yachachishäta. Willapashäcunataga umayquiman sumaj churacuy.

Juan 12:50

Taytä nishancunaga mana ushacaj cawayta tarichicojmi. Chaymi nogaga Taytä nimashallanta willacuycä.»

Proverbios 7:2

Mandamintuta willapashäcunata, yachachishäcunata sumaj wiyacuy. Ñawi nïñuyquita chapashayquinöraj yachachishäcunata yachacorga alli cawaytami tarinquipaj.

1 Crónicas 28:9

«Salomón, gamga rispitashä Tayta Diosta rispitar sirbinqui llapan shonguyquiwan, llapan callpayquiwan. Tayta Diosga musyanmi imata yarpaycashayquitapis. Gam payman yäracuptiquega yanapäshunquipämi. Payta gongaycuptiquimi ichanga paypis cachaycushunquipaj para-simrina.

2 Timoteo 3:15

Wamra cashayquipita-pachami yachacushcanqui Tayta Diosninchïpa palabranta. Palabranta yachacurmi Jesucristuman yäracur payta chasquicushcanqui. Chaymi Tayta Diosninchi salbasha-cashunqui.

Efesios 6:4

Mama-taytacunapis wamrayquicunata ama jagayächinquimanchu. Chaypa ruquenga alli shimillayquipa tantiyachinqui Jesucristo munashanno cawananpaj.

Deuteronomio 6:6

«Gamcunata canan junaj willapashä laycunata imaypis mana gongaypa shonguyquicunacho yarparanqui.

Hebreos 5:9

Chayno Tayta Diosta wiyacoj cashanpitami payta wiyacoj cajtaga salbananpaj munayniyoj caycan.

Isaías 55:3

Noga cajman shamuy. Nircorga willapashäta wiyacuy. Nishäcunata wiyamay. Chauraga cawanquipämi. Gamcunawanmi conträtuta rurashun imaycamapis alli goyänanchïpaj. Chaynöpami ray Davidta cuyar aunishäta cumlishaj.

2 Timoteo 1:5

Noga musyämi Tayta Diosninchïman llapan shonguyquiwan yäracur pay munashanno goyaycashayquita. Chayno caycanqui chachayqui Loida, mamayqui Eunicepis Tayta Diosman yäracur goyashannömi.

Proverbios 22:6

Tacsha cashancama wamrataga sumaj willapay. Alli yachachiptiquega jatunyarpis manami gongangachu.

Salmos 119:11

Gam aunimashayquitaga llapan shongöpa yarparaycä juchata mana ruranäpaj.

Deuteronomio 4:9

Chaymi gamcunaga ama gonganquichu llapan yachachishäcunatawan ricashayquicunata. Cawashayquicamaga waran-waran wamrayquicunata willcayquicunata willapanqui.

Génesis 18:19

Paytaga noga acrashcä wiyacamänanpaj wamrancunata, llapan famillyancunata yachachinanpämi, alli cajllata rasun cajllata rurananpämi. Abraham chayno ruraptenga conträtu rurashäta noga cumlishämi.»

Salmos 119:168

Nogaga willapämashayquitami estatutuyquitami wiyacö. Gam musyanquimi imano goyashätapis.

Proverbios 23:26

Ïju, willapashäcunata sumaj wiyacuy. Noga imanömi goyashcä; chayno gampis goyay.

Jueces 13:12

Manoaga tapuran: «Willamashayquino captin ¿imanötaj wamrataga uywashaj? ¿Imatataj rurashaj?» nir.

Salmos 119:144

Estatutuyquicunaga allimi. Sumaj tantiyaycachimay, allilla cawaycachimay ari.

Proverbios 3:2

Chaynöpami unaycama alli cawanquipaj.

Jeremías 38:20

Jeremías niran: «Tayta ray, paycunapa maquinmanga manami cachaycushunquipächu. Tayta Dios gampaj nimashanta willashätaga wiyacuy ari tayta. Willashäno rurashpayquega manami wañunquipächu.