Proverbios 4:26 - Tayta Diosninchi Isquirbichishan

²⁶ Mayman japaycashayquitapis sumaj ricay. Alliman japarga manami tuninquipächu.

Proverbios 4:26 Referans Kwoze

Hebreos 12:13

Maypa aywanayquipäpis wicsu caminucunataga allchay wegrucunapis mana tuninanpaj. Chaymi Tayta Dios munashanno cawaptiquega witiycachajcunapis mana witiconganachu wegru runa tunishan-japuy. Juchaman manami tunenganachu. Man'chäga allillanami cawanga.

Salmos 37:23

Tayta Diosmi runataga alli caminullapa pushan. Allilla goyaptin Tayta Diosga cushicunmi.

Salmos 119:5

¡Ima alliraj canman layniqui nishanta cumliptë!

2 Tesalonicenses 3:3

Tayta Diosninchëga imaypis yanapaycäshunqui pay munashanno cawanayquipämi. Ricaycäshunqui imatapis Satanás mana rurashunayquipämi.

Hageo 1:5

Noga munayniyoj Tayta Diosmi në: «Imano cawaycashayquitapis sumaj yarpachacuy.

Hageo 1:7

«Noga munayniyoj Tayta Diosmi në: «Imano cawaycashayquitapis sumaj yarpachacuy.

1 Tesalonicenses 3:13

Tayta Jesucristo yanapayculläshunqui llapan shonguyquiwan Tayta Diosninchïman yäracunayquipaj, pay munashannölla cawanayquipaj. Chaymi Taytanchi Jesucristo anjilnincunawan cutimur pay munashannölla cawaycajta tarishunquipaj. Amén.

Efesios 5:17

Mana tantiyacoj runanöga ama cawaychu. Chaypa ruquenga Diosninchi munashanno cawanayquipaj sumaj tantiyacuy.

Ezequiel 18:28

Sumaj tantiyacurir mana allita rurashancunata cachaycushpan allitana rurashpanga cawangami. Manami wañongachu.

Salmos 119:59

Imanöpis cawashätami yarpachacushcä. Chaymi estatutuyqui nishancunatana wiyacushaj.

Proverbios 5:21

Imanölla runa cawashantapis Tayta Diosga ricaycanmi. Imanölla runa purishallantapis ricaycanmi.

Efesios 5:15

Chaymi imano cawarcaycashayquipäpis sumaj yarpachacuy. Mana tantiyacoj runano cawanayquipa ruquenga sumaj yarpachacurir Tayta Diosninchi munashannöna caway.

Proverbios 5:6

Chayno warmiga alli goyaypaj manami yarpachacunchu. Llutanta ruraycashancunatapis manami tantiyacunchu.

Salmos 40:2

Mitu sinigaman jaticänäpitami jorgamaran. Wanwanyaycaj uchcupitami salbamasha. Rumi jananman ichichimaran. Allinnin pachaman churamaran.

1 Pedro 5:10

Noganchi-raycu Jesucristo wañusha captinmi Tayta Diosninchi cuyapäshushpayqui acrasha-cashunqui ñaupancho imaycamapis cawanayquipaj. Juc timpu ñacaycuna päsarcuptinnami alliman churashunquipaj, sumaj balurta goshunquipaj, allillata cachishunquipaj.

Proverbios 4:25

Chayanayquipaj cajllaman yarparay. Juc-lämanga ama yarpaychu.

Proverbios 15:21

Mana tantiyacoj runaga upa cayninwan llutanta rurashanpitapis cushicunmi. Alli yarpayniyoj runami ichanga mana pantaypa alli cawan.

Proverbios 21:29

Fiyu runaga runacuna ricanallanpämi alli-tucun. Alli runami ichanga rasunpa allillata ruran.

Proverbios 23:19

Ïju, llapan yachachishäta sumaj wiyacuy. Llapantapis alli cajcunata rurallar goyay.