Proverbios 4:23 - Tayta Diosninchi Isquirbichishan

²³ Ima-aycayquitapis cuydashayquipita masta cuyday shonguyquicho yarpashayquicunata. Yarpashayqui imanöpis cashanpitami goyanqui allipis u mana allipis.

Proverbios 4:23 Referans Kwoze

Lucas 6:45

Alli runaga parlan shonguncho alli yarpaycashantami. Mana alli runaga parlan shonguncho mana alli yarpaycashallanta. Shonguncho mana allita yarparmi ichanga mana allita parlan.

Proverbios 13:3

Shongun musyashallanwan upälla cacojcunaga allimi cawan. Willapistacunami ichanga shimillanpita mana alliman chayanga.

Jeremías 17:9

«Runapa shongonga fiyupa mana tantiyaypämi. ¿Piraj tantiyanman llullapar engañaycashanta? ¿Piraj musyanman mana allita rurayta yarpaycashanta?

Mateo 15:19

Runacunaga shonguncho mana allicunata yarparmi runa-masinta wañuchin; majayoj caycarpis jucwan cacun; japalla caycarpis jucwan-jucwan puricun; suwacun; llullacun; jucpa washanta riman.

Proverbios 23:19

Ïju, llapan yachachishäta sumaj wiyacuy. Llapantapis alli cajcunata rurallar goyay.

Proverbios 28:26

Quiquin yarpashallanman yäracoj runaga mana tantiyacoj upa runami. Sumaj tantiyaycur ruraj runami ichanga imapitapis allicho llojshenga.

Marcos 14:38

Ricchayna-llapa. Tayta Diosta mañacuy juchaman Satanás mana chayachishunayquipaj. Allita ruranayquipaj yarpayniqui captinpis quiquiquicunallaga manami camäpacunquichu.»

Deuteronomio 4:9

Chaymi gamcunaga ama gonganquichu llapan yachachishäcunatawan ricashayquicunata. Cawashayquicamaga waran-waran wamrayquicunata willcayquicunata willapanqui.

Hebreos 12:15

Chaymi ima-aycanöpapis Tayta Dios munashanno caway. Pitapis ama jagayächiychu. Pitapis jagayächerga benënuyoj ashgaj jachanömi waquincunapäpis canquipaj. Chayno carga juccunatapis mana allimanmi chayachinquipaj.

Proverbios 4:7

Imatapis cachaycur rimëruga yachaytaraj umayquiman sumaj churay tantiyaj canayquipaj.

Proverbios 3:21

Ïju, mana yamacaypa allillata ruranqui. Sumaj yarpachacurir imatapis allillata ruranqui.

Proverbios 22:5

Fiyu runacunapa purinanchöga churaraycan trampacunawan cashacunallami. Alli cawayta munajcunaga chay caminupita witicunmi.

Proverbios 11:16

Alli shongu warmiga rispitashami canga. Fiyu runaga rïcuyayllachömi cacun.

Eclesiastés 5:13

Cay pachachöga fiyupa llaquinaypaj cajtami ricashcä: Ima-ayca shuntashancunapis quiquillanpämi mana alli.

Mateo 15:18

Rimashanchïcunami ichanga shongunchïcho yarpashanchïpita yargamun. Mana allita yarpashan cajmi runacunataga juchayojyächin.

2 Reyes 10:31

Chaypis Jehüga manami cumliranchu Israelpa Tayta Diosninpa laynincunata. Jeroboam Israelcunata juchata rurachishantano juchata ruraran.

Proverbios 16:17

Alli runacunaga jucha ruraypita witicunmi. Jucha ruraypita witicojcunaga alli cawaymanmi chayanga.