Proverbios 4:16 - Tayta Diosninchi Isquirbichishan

¹⁶ Mana allita rurananpaj yarpashanta manaraj rurashancamaga manami jamaytapis tarinchu. Pitapis manaraj mana alliman chayachishancamaga paycunapäga manami puñuypis puñuychu.

Proverbios 4:16 Referans Kwoze

Salmos 36:4

Cämanchöpis yarpaycan mana allita rurayllatana. Llutan nänicho purejnöllami purircaycan. Mana alli ruraytaga manami cachaycunchu.

Miqueas 2:1

¡Ay cuyapaypämi ñacanga asta suyñuyninchöpis mana allita rurayllata yarpaycajcuna! Chay runacunaga imata rurananpäpis puydej munayniyoj cashpanmi pacha wararcuptinnaga chay yarpashanno ruran.

Isaías 57:20

Fiyu runacunami ichanga carcaycan lamar pullchajyar mana chawajno. Wayra pullchajyächiptin mitutawan ganracunata lamar jitarimushannömi caycan.

2 Pedro 2:14

Ricashan warmita munapan. Manami yamacanchu jucha ruraytapis. Pishi yarpayniyojcunatami llutancunata yachachin. Runa-masinta imano säcaytapis sumajmi yachan. Chayno cashanpitami paycunaga castigasha canga.

Proverbios 1:16

Paycunaga imay örapis yarparaycan mana allita rurayllapämi. Wañuchicuyllatami yarparcaycan.

Lucas 22:66

Pacha wararcuptinnaga Israel mayur runacuna, cüracunapa mandajnincuna, lay yachachejcunapis shuntacaran. Chay shuntacasha caycashanmanna Jesusta aparan.

Juan 18:28

Manaräpis pacha waraptin Caifaspa wasinpita Jesusta aparan Pilatupa despächunman. Payga Roma gobernadormi caran. Mandaj Israelcunaga gobernadorpa despächunman mana yaycuranchu «Mana Israel runapa wasinman yaycorga ganrami ricacushunpaj. Pascua fista micuytapis manami micushunpänachu» nir.

Proverbios 4:15

Paycuna goturashanmanga ama yaycapanquichu. Yaycunayquipa ruquenga tumarcur juc-läpa päsacunqui.

Miqueas 7:3

Mana alli ruraypäga fiyupa yachajmi carcaycan. Mandaj autoridäcunaga imapitapis pägananta munarcaycan. Juezcunapis pacayllapa pägaptenga chasquinmi. Munayniyojcunaga imatapis munashantami ruran.

Salmos 36:3

Paycunaga mana allita parlajllami, llullacojmi. Yarpaynin mana captinnami allitaga mana rurannachu.

Proverbios 2:14

Washäshunquipaj mana allita rurariycur cushicojcunapita; llutancunata rurariycur cushicuypita fistata rurajcunapita.

Jeremías 9:4

Amïgumanpis ama yäracuynachu. Ni wauguiquimanpis ama yäracuynachu. Amïgunwanpis llullapänacur lebantanacunmi. Chay wauguilla caycarpis engañanacunmi.

Hechos 24:7

Chaura comandanti Lisias shaycamur firsapita nogacunata guechumaran.