Proverbios 30:33 - Tayta Diosninchi Isquirbichishan

³³ Musyashayquinöpis lëchita gaywerga mantiquillatami jorgunqui. Callpaycur-callpaycur sinyaptenga senganpita yawarmi llojshimun. Chaynömi runa-masinta achäquita ashipajpis pillyayman chayanga.

Proverbios 30:33 Referans Kwoze

Proverbios 29:22

Imallapitapis juclla rabyacäcoj runaga pï-maywanpis jucllami rimanacun. Chayno cashpanmi llutancunata ruran.

Proverbios 28:25

Fiyupa yargaj runaga pï-maywanpis rimanacongallami. Tayta Diosman yäracoj runami ichanga alliman chayanga.

Proverbios 17:14

Rimanacuyman chayayga lloglla shamojpitapis mas piyurmi. Rimanacuyman chayanayquipa ruquenga witicuy.

Proverbios 26:21

Carbunwanrämi ninaga shanshan. Yantawanrämi ninapis ratan. Chaynömi washa-rimacunapis pitapis rimanacachiyta, pillyachiyta gallarachin.

Proverbios 16:28

Fiyu runacunaga imay örapis rimanacachiyllatami ashiycan. Washa-rimacunapis amïguncunatawan chiquinacachinmi.

Proverbios 15:18

Mana rabyaj runaga rimanacuytapis chawächinmi. Imallapitapis rabyacoj runami ichanga juclla piwanpis rimanacun.

Génesis 18:8

Chay besëra aychata garashpanmi apaparan lëchita, quësuta, tantatapis. Apapashancunata paycuna micuran yöra chaquincho. Chayno micupacuptin Abrahamga shuyaraycaran imatapis munashan cajta apapänanpaj.

Proverbios 10:12

Chiquinacuyga pitapis pillyachinmi. Cuyanacuywanga mana allita ruranacushanpitapis perdunanacunmi.

Proverbios 31:1

Caycunaga caycan Masa partipita ray Lemuel yachaj cayninwan rimashancunami. Chay rimashancunataga llapanta mamanmi alli goyänanpaj willaparan.