Proverbios 3:34 - Tayta Diosninchi Isquirbichishan

³⁴ Manacajman pitapis churajcunataga quiquintami Tayta Diospis manacajman churan. Umildicunatami ichanga alli ñawinpa rican.

Proverbios 3:34 Referans Kwoze

Santiago 4:6

Tayta Diosninchëga fiyupami cuyapämanchi. Chaymi palabranchöpis cayno niycan: «Tayta Diosninchi manami yanapanchu alli-tucojcunataga. Umildicunatami ichanga cuyapar yanapan.»

1 Pedro 5:5

Jipash mösupis, mayur ermänucunata wiyacuy. Chaynölla jucniqui-jucniquipis mana alli-tucuypa rispitanacuy. «Alli-tucojcunataga Tayta Diosninchi manami yanapanchu. Umildicunatami ichanga cuyapar yanapan.»

Proverbios 9:12

Yachaj carga yachayniquiwanmi allicho goyanquipaj. Mana rispitacoj fiyu runa carmi ichanga jinyuyquipita ñacanquipäpis.

Salmos 138:6

May janaj pachacho cashpanpis Tayta Diosga yanapanmi umildi runacunata. Alli-tucojcunataga carullapitanami rejsin.

Isaías 57:15

Janajcho tiyaj, imaycamapis cawaj, Santo Tayta Diosmi cayno nin: «Nogaga tiyä rispitädu janaj pachachömi. Ichanga umildicunawanpis llaquicuycajcunawanpis iwalmi caycä. Paycunatanami yanapar shacyächë.

Proverbios 21:24

Ollgojta, alli-tucojtaga «shimisapa» nirmi rejsin. Chayno runaga yachaj-tucojmi.

Proverbios 19:29

Shimisapacuna castigacänanpaj asticunaga caycanmi. Mana tantiyacoj upa runapis wajtan rawaychaj-rawaychajmi asticanga.

Salmos 18:26

Juchaynajcunatapis yanapanquimi. Fiyu cajcunatami ichanga castiganqui.

Proverbios 14:9

Mana tantiyacojcunaga llutanta rurarcurpis manami pengacunchu. Alli runacunami ichanga runa-masinwan cuyanacur alli goyan.

Proverbios 16:19

Alli-tucoj rïcucunawan goturänanpitaga mas alli caycan manacajman mana churaypa pobricunawan goturaymi.

Proverbios 1:26

Chaypitami mana allicunaman chayaptiqui nogapis cushipäshayqui. Fiyupa manchariycashayqui örami asipäshayquipaj.