Proverbios 3:2 - Tayta Diosninchi Isquirbichishan

² Chaynöpami unaycama alli cawanquipaj.

Proverbios 3:2 Referans Kwoze

Proverbios 4:10

Ïju, llapan willapashäcunata sumaj wiyacuy. Willapashäta wiyamarga unaycamami cawanquipaj.

Proverbios 9:11

Fiyupa allimi musyaj yachaj cayman chayashayquega. Chaypitami unaycama cawanquipaj.

Salmos 91:16

Unaycamami cawachishaj. Noga salbacoj cashäta musyachishaj.»

Romanos 15:13

Tayta Diosninchi yanapayculläshunqui payman yäracur jucniqui-jucniquipis alli cawanayquipaj, Espíritu Santupa maquincho cawanayquipaj y ñaupanman chayanayquipaj cashanta musyar waran-waran cushisha cawanayquipäpis.

Salmos 128:6

Willcayquitapis ricanayquicamarämi cawanqui. ¡Israelchöga alli goyay caycullächun!

Salmos 119:165

Yachachicuyniquita cumlejcunaga cushishami goyan. Paycunataga imapis manami juchaman tunichinchu.

Proverbios 10:27

Tayta Diosta rispitar manchacojcunaga unaycamami cawanga. Fiyu runacunami ichanga pöcu timpulla cawanga.

1 Timoteo 4:8

Tayta Diosninchi munashanno goyayga mas allimi caycan fïsicata rurashanchïpitapis. Fïsica rurayga cay pachacho cawashanchïcamallami alli caycan. Tayta Diosninchi munashanno goyaymi ichanga cay pachacho y syëluchöpis alli cawananchïpaj caycan.

Romanos 5:1

Chaymi Taytanchi Jesucristuman yäracuptinchëga Tayta Dios allina ricaycämanchi.

Salmos 21:4

Cawananpaj mañacamushuptiqui yanapashcanqui. Achca wata cawananpämi bindisyunta goshcanqui.

Romanos 14:17

Tayta Diospa maquincho cawayga manami micunallanchïpächu ni upunallanchïpächu caycan, chaypa ruquenga allillata rurananchïpaj, pï-maywanpis alli cawananchïpaj y Espíritu Santu yanapämaptinchi cushisha cawananchïpämi.

Isaías 32:17

Chaura llapanpis alli goyayllana canga. Allillanami imaycamapis goyanga.

Job 5:26

Auquinyarpis callpayojllarämi caycanquipaj timpuncho rutusha rïgunöraj.

Deuteronomio 11:21

Chaynöpami cay pachapis janaj pachapis cashancamaga Tayta Dios entregashunayquipaj caycaj nasyuncho imaypis gamcuna y wamrayquicuna cushisha alli cawanquipaj.

1 Reyes 3:14

Papäniqui Davidno noga munashäcunata, llapan laycunata, mandamintucunata cumliptiquega yanapäshayquipaj unaycama cawanayquipämi.»

Proverbios 16:31

Allillata rurajcunaga chachayänancamami cawan. Sogu caynenga corönanömi cushicachin.

Deuteronomio 5:32

Chaymi canan gamcunaga Tayta Dios nishushayquinölla ruray. Juctapis mana cachaypa wiyacuy.

Proverbios 4:4

Papänëmi yachachimar willapämar cayno nimaj: «Llapan willapashäcunata umayquiman sumaj churacuy. Willapashäcunano rurarga allimi goyanquipaj.