Proverbios 29:27 - Tayta Diosninchi Isquirbichishan

²⁷ Alli runacunaga fiyu runacunata ricaytapis manami munanchu. Fiyu runacunapis alli runacunata ricayta manami munanchu.

Proverbios 29:27 Referans Kwoze

1 Juan 3:13

Chaymi cuyay ermänucuna, Tayta Dios munashanno cawaptinchi juchallata ruraj runacuna chiquimashapis ama llaquicushunchu.

Juan 15:23

Pï-maypis nogata chiquimäga Taytätapis chiquircaycanmi.

Salmos 139:21

Tayta Dios, gamga musyaycanquimi gamta chiquishojcunata noga chiquishäta. ¿Manachu manacajman churä manacajman churashojcunatapis?

Juan 7:7

Gamcunataga runacuna manami chiquishunquichu. Nogatami ichanga chiquiman juchayoj cashanta niptë.

Proverbios 29:10

Wañuchicojcunaga juchaynaj runacunata wañuchiyllatami yarpaycan. Alli runacunami ichanga juchaynajcunapa amïgun cayta munan.

Zacarías 11:8

Chaypita juc quillallachömi jitarirä quimsaj uyshërucunata. Paycunaga fiyupana rabyachimaran; quiquincunapis chiquicarcäramaran.

Proverbios 24:9

Mana tantiyacoj upaga jucha rurayllatami yarpan. Shimisapatapis llapanmi chiquipan.

Salmos 119:115

¡Mana allita rurajcuna ñaupäpita witicuy! Nogaga Diosnëpa mandamintuntami cumlishaj.

Mateo 10:22

Noga-jananmi pï-maypis chiquishunquipaj. Chayno chiquishuptiquipis ushanancama nogaman yäracamaptiquega salbashami canquipaj.

Mateo 24:9

«Chay wichanga nogapitami gamcunata autoridäcunaman apashunquipaj. Fiyupa ñacachishushpayquimi wañuchishunquipaj. May-chaychöpis runacuna chiquishunquipämi.

Juan 17:14

«Paycunataga alli willacuyniquita maynami willapashcä. Chaymi waquin runacunaga paycunata chiquicarcärisha, chay runacunano mana captin. Nogapis manami mana riguej runacunanöchu cä.

Salmos 6:8

¡Lädöpitapis witicuyna mana allita rurajcuna! Tayta Diosga wiyashanami fiyupa wagashäta.

Salmos 69:4

Imatapis mana ruraycaptillä chiquimajcunaga ajchäpitapis mas aypalla ricacusha. Chiquimajcunaga aypallami mirasha. Imatapis mana ruraycaptëmi illgächimayta yarpaycan. Mana suwapasha caycaptëmi «cutichimay» nircaycäman.

Salmos 139:22

Nogaga fiyupami paycunata chiquë. Conträcunatanömi ricäpis.

Proverbios 12:8

Yachaj runataga yachaj tantiyaj cashanpitami alli rispitan. Mana tantiyaj upa runatami ichanga pï-maypis manacajman churan.

Proverbios 30:1

Caycunaga caycan Masa partipita Jaquëpa wamran Agur rimashancunami. Agur willaparan Itieltawan Ucalta.

Salmos 101:4

Mana allicunataga manami yarpäshäpischu. Imatapis mana allicunataga manami rurayta munächu.

Proverbios 13:19

Yarpashanta tariycorga runacuna fiyupami cushicun. Mana tantiyacojcunami ichanga mana alli rurayninta mana cachaycunchu.