Proverbios 28:13 - Tayta Diosninchi Isquirbichishan

¹³ Juchancunata pacajcunaga manami alliman chayangachu. Mana alli ruraycunata cachaycur juchancunapita perdunta mañacojcunami ichanga perdunasha canga.

Proverbios 28:13 Referans Kwoze

Job 31:33

Adannöga juchäta manami imaypis pacashcächu. Mana allita rurashäcunatapis manami amucurcushcächu

Job 33:27

Chayrämi runa nenga: ‹Juchatami rurashcä, mana allicunatami rurashcä. Chaypis Tayta Diosga manami castigamashachu.

Hechos 26:20

Chaymi willacushcä Damascucho, Jerusalencho y Judeacho caj waquin marcacunachöpis. Mana Israel runacunatapis willapashcä arpinticur Dios munashannöna cawananpaj.

Salmos 51:10

Tayta Dios, shongöta rucaycachiy ari. Unay cashäpita mas allina canäpaj yanapämay.

Génesis 4:9

Chaypita Tayta Diosga Cainta tapuran: «¿Maytaj wauguiqui Abel?» nir. Tapuptin Caín niran: «Nogaga manami musyächu. ¿Wauguë ricaj-imatächu cä?»

Proverbios 10:12

Chiquinacuyga pitapis pillyachinmi. Cuyanacuywanga mana allita ruranacushanpitapis perdunanacunmi.

1 Samuel 15:30

Yapay Saúl niran: «Juchatachaj rurashcä. Chaypis llapan auquincunapa ñaupancho, Israelcunapa ñaupancho raytano rispitamay ari. Iwal aywashun ari Tayta Diosniquita aduranapaj.»

1 Samuel 15:24

Chaura Saulga Samuelta niran: «Au, rasunpami juchata rurashcä. Runacunapa shiminta chasquirmi Tayta Diostapis gamtapis mana wiyacushcächu. Runacunatami manchacushcä.

Proverbios 17:9

Imapitapis perdunaj runaga juc amïgutapis tarinmi. Mana perdunaj runami ichanga amïgutapis ogran.

1 Samuel 15:13

Chaura Samuelga aywaran Saúl cajman. Saulga niran: «Ima alliraj Tayta Dios pushaycamushunqui tayta. Pay nimashanta cumlishcänami.»

Levítico 5:5

«Pipis chaycunata rurashanta tantiyacurerga perdunta mañacuchun.

2 Samuel 12:13

Chaura Davidga jucha rurashanta tantiyacur Natanta niran: «Tayta Diospa contranmi juchata rurashcä.» Natán niran: «Gamtaga manami juchayquipita Tayta Dios castigashunquipächu. Manami wañunquipäpischu.

2 Samuel 14:32

Chaura Absalón niran: «Papänë cajman aywanayquipaj ruwacuptëpis mana aywaptiquimi sebädayquita cañapaycunanpaj cachashcä. Cananga juclla papänëman aywaycur niy: ‹Gamwan mana tincunanpaj caycaptenga ¿imapätäshi Gesur nasyunpita wamrayquita cutichimushcanqui? Mana tincunayquipaj captenga jinan Gesurllachöshi tiyacunman caran. Caychöna caycarga gamwanshi tincuyta munaycan. Juchan captenga jucllashi wañuchinqui.› »

Esdras 10:11

Chaymi canan gamcunaga unay awiluyquicuna rispitar adurashan Tayta Diospa ñaupancho rasunpa juchayoj cashayquita cunfisacur Tayta Dios munashannöna goyay. Raquicayna Diosta mana rispitaj runacunapitaga. Juc-lä nasyun warmiwan tiyajcunapis raquicay.»

Nehemías 9:2

Nircur ichircärir reconösiran «nogacunapis unay awilöcunapis juchasapami cä» nir. Israelcunallami juc-lä nasyun runacunapita acracaran.

Jeremías 2:35

Chayno ruraycarpis nircaycanqui: ‹Juchaynajmi cä. Nogacunapäga Dios manami rabyashanachu caycan› nir. ‹Juchaynajmi cä› nishayquipitami Nogaga llapan rurashayquita ashimuyta gallaycushaj.

Daniel 4:27

Chaymi tayta ray, gamga ruray noga nishänölla. Amana mastaga juchata ruraynachu. Amana mana allicunata ruraynachu. Chaypa ruquenga pobricunatana yanapay. Chayno allillata rurarga capaschari canan goyaycashayquinölla goyanquiman.»

Jueces 10:15

Chayno Tayta Dios niptin Israelcunaga niran: «Nogacunaga fiyupa juchatami rurashcä. Cananga munashayquita ruramay ari Tayta. Imata ruramänayqui captinpis cananllaga salbaycamay ari.»

2 Reyes 20:15

Isaías yapay tapuran: «¿Imatataj ricasha palasyuyquichöga?» nir. Chaura Ezequías niran: «Paycuna ricasha llapantami cay palasyöcho caycajtaga. Churacuna wasëcho caycajtapis usha-ushajpämi ricachishcä juctapis mana cachaypa.»

2 Crónicas 6:26

«Juchata rurashanpita fiyupa usya captin, caycho mañacuptin, alabashuptiqui, castigaptiqui juchancunapita arpinticuptin

Esdras 10:2

Chayno caycaptin Elampita mirajpa wamran Jehielpa wamran Secaniasga Esdrasta niran: «Nogacunaga manami cumlishcäcunachu Tayta Dios nishanta. Juc-lä nasyun warmicunawanmi majachacashcä. Chayno ruraycashapis Israelcunata Tayta Dios cuyapaycämanchïrämi.

Job 34:31

«¿Gamga Diosta willashcanquichu: ‹Juchatami rurashcä. Cananpitaga manami juchata rurashänachu› nir?

Isaías 55:7

Fiyu runacunaga mana allicunata ama rurachunnachu, mana allita rurananpäga ama yarpächunnachu. Tayta Diosman yapay cutichun. Chaura paypis cuyapangami. Payga amatar alli cashpanmi perdunacun.

Jonás 3:10

Tayta Dios ricaran Ninivecho tiyajcuna arpinticushanta. Chaynöpami illgächinanpaj caycashancho manana illgächirannachu.