Proverbios 28:1 - Tayta Diosninchi Isquirbichishan

¹ Fiyu runaga pipis mana gaticachaycaptinmi gueshpir aywacun. Juchaynaj alli runami ichanga liyunno mana manchacuypa goyäcun.

Proverbios 28:1 Referans Kwoze

Deuteronomio 28:7

«Contrayquicunata binsinayquipäpis Tayta Diosga llapantami munayniquiman churamonga. Gamcunata magashunayquipaj fïlayllanpa shamurpis mashtaypa mashtarnami gueshpenga.

Salmos 53:5

Paycunaga fiyupami mancharenga mana mancharinanpaj caycashanchöpis. Tayta Diosta chiquejcunataga binsir tulluncunataga wacpa caypami mashtarachenga. Paycunaga pengaychömi cangapaj Tayta Dios jitariptin.

Salmos 112:7

Mana alli willapacunata wiyarpis manami manchacunchu. Alli runaga mana cachaypami Tayta Diosllaman yäracuycan.

1 Tesalonicenses 2:2

Musyashayquinöpis gamcuna cajman manaraj chayamuptë Filipos siudächo runacuna fiyupami nogacunata ñacachimaran. Chaypis Tayta Diosninchïman yäracurmi willacuyninta willapänä-raycu gamcunaman chayamushcä. Marca-masiquicuna chapata ruramaptinpis Tayta Diospa alli willacuynintami willapashcä.

Hechos 4:13

Pedruwan Juan mana sumaj estudyasha caycarpis mana manchacuypa rimaptin autoridäcuna almiraran. Chaynöpami tantiyacuran Jesuspa apostulnincuna cashanta.

Hechos 14:3

Imano captinpis Pabluwan Bernabëga achca junajmi Iconiucho goyaran. Chaychöga mana manchacuypami willaparan Tayta Dios cuyapäcoj cashanta. Willacushan rasunpa cashanta musyananpämi Pablutawan Bernabëta Tayta Dios yanaparan milagrucunata rurananpäpis.

Jeremías 20:4

Tayta Diosmi cayno nin: ‹Cananga quiquiquipaj y amïguyquicunapäpis fiyupa manchariypämi canquipaj. Ricapaycaptiquimi llapan amïguyquicunata contrayquicuna sabliwan wañuchenga. Llapantami Judächo tiyajcunataga Babilonia raypa maquinman cachaycushaj. Chay raymi llapanta Babiloniaman prësu apachenga. Mana apashpanga cuchuypami wañuchenga.

Levítico 26:36

«Contrayquicunapa nasyunnincho cawaycar quëdajcunataga fiyupami mancharachishaj. Chaymi jachapa öjan shicwaptillanpis gueshpinquipaj ‹sabliwan gaticachaycäman› nir. Pipis mana gaticachaycäshuptillayquimi gueshpir quiquillayqui tuninquipaj.

Deuteronomio 28:25

Contrayquicunapis shamur pasaypami ushacächishunquipaj. Paycunawan pillyanayquipaj fïlayllanpa aywarpis mashtaypa mashtarna gueshpinquipaj. Chayta mayaycur llapan nasyun runacunami cushipäshunquipaj.

2 Reyes 7:15

Aywajcunaga Siria runacunapa yupinta yupicharan Jordán mayucama. Yupincunaga aywaraycaran. Gueshpir aywar nänicunacho cachapacushancunapis caycaran röpacuna, imancunapis. Yupichashanpita cutimur rayta willaran imano tarishantapis.

Isaías 7:2

Ray Acazpa palasyunman willapata chayachiran «Siria runacunaga Efraín runacunawanmi parlacusha» nir. Chaura rayga llapan runacunawan mancharir sicsicyaran yöracuna wayrawan cuyuycajnöraj.

Éxodo 11:8

Chayrämi llapan autoridäniquicunapis ricamaj shamongapaj. Gongurpaycur nimangapaj ‹Llapan Israelcunata pushacurcur aywacuyna ari tayta› nir. Chayno nimaptinrämi aywacushäpaj.» Chayno nircur faraón cajpita Moisesga fiyupa rabyasha aywacuran.

Levítico 26:17

Nogaga manami yanapäshayquipänachu. Chiquishojcunapis binsishunquipämi. Waquenga chiquejcunapa munayninchönami canga. Imapis mana gaticachaycäshuptiquimi gueshpinquipäpis.

Nehemías 6:11

Chaura noga nirä: «Nogaga manami manchacöchu wañuyta. Nogano runacunaga templuman manami pacacunchu wañuchinanpita. Manami imanillarpis pacacushächu.»

Proverbios 27:27

Cabrayquipa lëchinpis achca llojshenga llapan wamrayquicunawan upunayquipaj. Llapan uywayniquicunapis upunanpaj aypangami.

Isaías 30:17

Juc runalla manchachishuptillayquimi gamcunaga waranga gueshpinquipaj. Pichgaj runa manchachishuptiquega llapaniquimi gueshpinquipaj. Chaura wallcajllanami quëdanquipaj jircacho juc ishcaylla gueru ichiraycajno, man'chäga juc puytush lömacho señalpaj gueru jawishanöllana.»

1 Reyes 1:49

Chayno willaycuptin Adonías gayachishancunaga fiyupa mancharir sicsicyaran. Jatarcur munashanpa-cama aywacuran.

Job 15:21

Paycunaga imapis gaparämojta wiyar fiyupa mancharin. Pipis mana yaycunancho caycaptinpis suwacunaga suwapanmi.

Salmos 53:6

¡Ima alliraj canman Sionpita Israelcunata salbananpaj chayaycamuptin! Acrashan runacunata Tayta Dios alliman churaptin Jacobpita mirar aywaj Israelcunaga llapanmi cushiconga.

Proverbios 10:9

Pipis mana rimasha limyu runaga cushishami goyäcun. Llutancunacho purejcuna mana allita rurajcunami ichanga mana alliman chayan.