Proverbios 26:3 - Tayta Diosninchi Isquirbichishan

³ Busalwanmi cawalluta amansanchi. Läsuwanmi bürruta manshuyächinchi. Garutinami caycan mana tantiyacoj upa runata corrijinapaj.

Proverbios 26:3 Referans Kwoze

Proverbios 10:13

Yachajcuna parlashanchöga fiyupa yachaycunallatami wiyanchi. Mana tantiyacojcunami ichanga mana wiyacushanpita wirucanga.

1 Corintios 4:21

Gamcunaga ¿imano chayamunätataj munanqui? ¿Ollgusha chayamunätachu u cushisha chayamunätachu?

Salmos 32:9

Ama canquichu cawalluno bürruno mana tantiyacöga. Cawallutaga busalninwanrämi ichichinchi. Bürrutapis shengallawacurcur-rämi munashanchïpa apanchi. Chayno mana rurashaga manami wiyamanchïchu» nir.

2 Corintios 13:2

Ishcay caj shamuynëcho gamcunata maynami nirä jucha rurashayquita cachaycunayquipaj. Cananpis llapayquitami në: Chaynölla juchata rurar goyarcaycajta tarerga mana cuyapaypami ollgöpäshayqui.

2 Corintios 10:6

Chaynöpis nishäcunata wiyacamaptiquega gamcuna cajman chayamurna conträ parlajcunata shuntacashayquicho piñacushaj.

Proverbios 27:22

Agashaga rïgupapis garan llojshinrämi. Mana tantiyacoj upami ichanga ñuchushanyaj agaptinpis upa cayninta mana cachaycunchu.

Proverbios 19:29

Shimisapacuna castigacänanpaj asticunaga caycanmi. Mana tantiyacoj upa runapis wajtan rawaychaj-rawaychajmi asticanga.

Proverbios 19:25

Shimisapa runata castigaptinmi mana tantiyacöga yachacun. Alli tantiyacoj yachaj runami ichanga juc willapayllacho yachacun.

Proverbios 17:10

Alli tantiyacöga juc piñacuyllawanmi wiyacun. Mana tantiyacojmi ichanga pachac cuti astiptinpis mana wiyacunchu.