Proverbios 25:28 - Tayta Diosninchi Isquirbichishan

²⁸ Rabyar mana pasinsacoj runaga caycan curaläni siudä pï yaycunanpäpis alayri caycajnömi.

Proverbios 25:28 Referans Kwoze

Proverbios 16:32

Alli chölu-tucuypitaga mas alli pasinsacuymi. Llapan marcapa mandajnin cananpitaga mas alli caycan quiquinraj alli duminacuyta yachashanmi.

Proverbios 22:24

Fiyu runacunawanga rabyaj runacunawanga ama goturanquichu; ni ama amïgupis canquichu.

Nehemías 1:3

Chaura paycuna willamaran: «Prësu apamunanpita quëdamojcunaga intëru probinsyacho fiyupa pengaypämi ñacarcaycan. Jerusalenpapis intëru curralninmi juchusha caycan. Puncuncunapis rupashami caycan» nir.

2 Crónicas 32:5

Ezequiasga sumaj balurchaycurmi allchachiran siudäpa perga curralninta. Perga janancunacho rurachiran ricchacuna törricunata. Chay pergapita mas rurichöpis intëru tumarejpa aruchiran juc curralta. Davidpa siudänintapis pata chaquinpa pergacunata aruchiran. Lansata y pillyar chapacuna escüducunatapis aypallata rurachiran.

1 Samuel 25:17

Runayquega tuscumi. Imata willapaytapis mana puydinchïchu. Cananga gam mä yarpachacuy imata ruranayquipäpis. Man'chäga mana allimi chayanga payman, llapan famillyancunamanpis.»

1 Samuel 20:30

Niptinmi Saulga fiyupa rabyacurcuran Jonatanpaj. Chaymi niran: «¡Manacaj warmipa wawan! ¿imanirtaj mana musyashächu Isaïpa wamranwan amïgu cashayquita? Mamantinmi pengaypaj canqui.

Proverbios 19:18

Wamrayquitaga tacsha cashancama piñacur astiy. Ichanga cuydä castigaycällar wañuycachinquiman.

Proverbios 19:19

Juclla rabyacäcöga castigashami canga. Ñacaycajta salbarga chaynöllami yaparir-yaparir salbaycanga.