Proverbios 24:30 - Tayta Diosninchi Isquirbichishan

³⁰ Guella runapa chacranpa aywashcä. Mana yarpachacoj runapa übas chacranpapis purimushcä.

Proverbios 24:30 Referans Kwoze

Proverbios 12:11

Chacracho arojcunapaga micuyninpis manami pishinchu. Mana yarpachacoj guellacunami ichanga manacajllapaj arun, ruran.

Job 4:8

Nogaga musyämi, wañuchicojcunatawan jucta mana allita rurajcunataga ima päsashantapis. Quiquincunamanmi ayñiga cutin.

Proverbios 10:13

Yachajcuna parlashanchöga fiyupa yachaycunallatami wiyanchi. Mana tantiyacojcunami ichanga mana wiyacushanpita wirucanga.

Proverbios 6:32

Runapa warminwan cacöga mana tantiyacoj upa runami. Chayno carga quiquillanmi pirdican.

Salmos 37:25

Unay mösu cashä wichanpis, canan auquinna cashäcamapis manami ricashcächu alli runa pishipacaycho goyajtaga. Ni wamrancunapis manami mañapacur purishachu.

Job 15:17

«Masqui sumaj wiyamay. Noga nishayqui cawashä watacunacho imano yachacushätapis,

Job 5:27

Chayno cashantaga ricashpanchïmi musyanchi. Rasunpami chayno. Chaycunata sumaj wiyay. Masqui quiquiquipis yarpachacuriy.»

Eclesiastés 7:15

Yangallapaj cawar cay bïdachöga caynötami ricashcä: Alli runacuna cuyapäcoj cashpanpis rätu wañun. Fiyu runacunanami fiyu caycashpanpis mas unaycama cawan.

Salmos 107:42

Chayta ricar, alli runacunaga cushicun. Fiyu runacuna ichanga imano yarpachacuytapis mana camäpacunchu.

Eclesiastés 10:18

Guella runapaga wasinpa jananpis ushacanmi. Imatapis mana arojpa mana ruracojpaga wasinpis tuninmi.

Proverbios 13:4

Guellacunaga may-jina imata munaparpis manami tarinchu. Bïbu runami ichanga ima-aycatapis munashanta tarin.