Proverbios 24:23 - Tayta Diosninchi Isquirbichishan

²³ Caycunapis yachajcuna rimashanmi: Pipis dimanducho captin jucajllata ricapayga manami allichu.

Proverbios 24:23 Referans Kwoze

Proverbios 28:21

Manami allichu waquillanpa faburnin jatariy. Waquin runaga juc amuy tantallapäpis jucpa faburninmi jatarin.

Proverbios 18:5

Autoridäcuna juchayojcunapa faburnin captenga manami allichu. Ima juchanpis mana caycaptin «juchayojmi» nir arriglaptenga manami allichu.

Salmos 107:43

¿Piraj yarpaysapa yachajcuna? Yarpaysapa yachajcunaga cay willapacunata tantiyajcunami, Tayta Dios cuyacoj cashantapis tantiyajcunami.

Levítico 19:15

«Autoridä car derëchu canqui. Pobritapis juchanpitaga ama chapanquichu. Ni rïcucunatapis juchanpitaga ama chapanquichu. Autoridä carga alli arriglanqui.

1 Pedro 1:17

Gamcuna «taytä» nishayqui Tayta Diosga llapantami iwal rican. Payga llapan runatami jusganga imanöpis cawashanman-tupu. Chayno caycaptenga cay pachacho cawashayquicama Tayta Diosta rispitar caway.

Santiago 3:17

Tayta Diosninchi yachayta goptinmi ichanga Tayta Dios munashanno goyan. Chauraga pï-maywanpis allimi goyan, cuyacunmi, alli shongumi, cuyapäcunmi. Manami ishcay quimsataga yarpanchu, manami janan shongullachu. Allillatami ruran.

Juan 7:24

Imatapis sumaj mana tantiyarga ama llutanta parlanquimanchu. Rimanayquipäga sumajraj tantiyacunquiman.»

Oseas 14:9

Yachaj cajcunaga, yarpaysapa cajcunaga cay willacuyta tantiyachun. Tayta Diospa caminunga derëchumi. Alli runacunaga chaypami purin. Juchasapacunami ichanga chay caminucho tacacan.

Proverbios 1:6

Chauraga tantiyanmi yarpaysapacuna parlashanta, adibinansancunata, willapancunata.

2 Crónicas 19:7

Chaymi Tayta Diosta rispitanqui. Imatapis yarpachacurcur-raj ruranqui. Tayta Diosga rabyacunmi jucnillanpa faburnin captinchi. Mana allita rurajcunata, saynita chasquejcunataga manami awantanchu.»

Deuteronomio 16:19

Paycunaga pitapis mana jananpayllapa llapanta sumaj arriglachun. Rïcutapis pobritapis saynita mana chasquiyllapa arriglachun. Saynita chasquerga yachaj runacunapis sumaj arriglananpa ruquin chasquishan runapa faburninmi jatarenga. Saynita chasquerga alli runacuna willapashancunatapis manami chasquengapänachu.

Deuteronomio 1:17

Mayganpis juchayoj cajtaga ama chapanquichu rïcutapis pobritapis. Arriglashayquino cananpaj Tayta Diosninchi yanapaycäshuptiquega pitapis ama manchacunquichu. Arreglayta mana camäpacushayqui cajtami ichanga nogaman päsamunqui arriglanäpaj.›

Proverbios 22:17

Yachaj musyajcuna willapäshushayquitaga sumaj wiyacuy. Willapar yachachishäcunataga llapanta yarparay.

Job 13:8

¿Gamcunaga Diospa faburninchi carcaycanqui? ¿Imanöllapapis faburnin caytachi munarcaycanqui?