Proverbios 23:7 - Tayta Diosninchi Isquirbichishan

⁷ Chay runaga micuy aycalla cuestashantapis cuentata jorguycanmi. Janan shongullami «micushun, upushun» nishunqui.

Proverbios 23:7 Referans Kwoze

Salmos 12:2

Jucnin-jucninpis llullapänacun. Janan shongullami parlan.

Salmos 55:21

Paycunaga mishquillami parlan. Shongunchöga wañuchicuyllatami yarparcaycan. Mishquichipayllapa parlarpis ashllicuyllatami yachan.

Jueces 16:15

Chaura Dalila niran: «¡Llulla! Llulla caycashpayquega ¿imanirtaj ‹cuyä› nimanqui? Rasunpaga manami cuyamanquichu. Quimsa cutinami llullapämashcanqui. Manami willamanquirächu imanöpa callpayqui yurishantapis.»

Proverbios 19:22

Runataga nishanta cumlej alli canantami pipis munan. Trampösu cananpa ruquenga pobrilla cacuptinpis mas allimi.

Lucas 7:39

Chayta ricaycur wasinman pushaj fariseo runaga yarpaynillancho niran: «Rasunpa profëta carga musyanmanmi imaniraj warmi yataycashantapis. Musyarga manami munanmanchu chay juchasapa warmi yataycunanta.»

Daniel 11:27

Chaypita ishcan raycunami mana allita ruranacuyta yarpashpan juc mësallaman jamaycärengapaj iwal micunanpaj. Chaychömi ishcanpis llullapänacongapaj. Chayno llullapänacuptinpis manami mayganpapis yarpashannöga cangapächu. Chaynöga canga manaraj öra chayamuptinmi.

Proverbios 26:24

Chiqui runaga parlashan öra manami musyacächinchu. Shongullanchöga yarpapaycan mana allicunata ruraytami.

Proverbios 26:25

Alli shimillanpa imata nishuptiquipis ama riguinquichu. Shongunchöga yarpaycan llapan mana allicunallatami.

Proverbios 26:23

Allpa mancata guellaywan chapyashanömi mana allita yarpar janan shongulla rimajcunaga.