Proverbios 23:35 - Tayta Diosninchi Isquirbichishan

³⁵ Ninquipaj: «Magamaptinpis manami nanämashachu. Astimashantapis manami mayashcächu. Paucarcorga yapaymi upyaj aywashaj» nir.

Proverbios 23:35 Referans Kwoze

Jeremías 5:3

Tayta Dios gamga munanqui alli runacunatami. Cay runacunaga castigaptiquipis manami wiyacushachu. Fiyupa mana alliman chayachiptiquipis manami yarpachacushachu. Paycunapaga shongunpis caycan ruminömi. Chaymi arpinticuytapis mana munashachu.

Isaías 56:12

Paycunaga nin: «Upyananchïpaj bïnuta, machächicojcunata ashej aywashun. Canan rurashanchïno warapis rurashun. Capas masllaräpis rurashun.»

Proverbios 27:22

Agashaga rïgupapis garan llojshinrämi. Mana tantiyacoj upami ichanga ñuchushanyaj agaptinpis upa cayninta mana cachaycunchu.

Proverbios 26:11

Allgu gumitashanta yapay micushannömi mana tantiyacoj upapis yapay llutancunata ruran.

2 Pedro 2:22

Jucha rurayman cutej runacunapäga rasuntachari nin: «Allgoga gumitashanta yapaymi cutipan. Limyu cananpaj bäñachiptinpis cuchiga yapaymi mitucho gochpan.»

Efesios 4:19

Pengacuyninpis manami canchu. Shongun munashallanta ruran. Chaymi tucuy ganracunata rurallar cacun. Mana musyannachu imano cawashantapis.

Jeremías 31:18

Wiyashcämi acrashä runacuna llaquicur parlajta. Paycunaga nisha: ‹Nogacunaga goyäcurä manaraj aroj törunömi. Chayno caycajtami gam castigamashpayqui manshuyächimashcanqui. Yapay shuntacamay ari. Gammi canqui nogacunapa Tayta Diosnëga.

Isaías 22:13

Chaypis gamcunaga munashayquicunata rurar cushicullarmi carcaycanqui. Wäcacunata, uyshacunata pishtar, aychata micur, bïnuta upullarmi carcaycanqui. Gamcunaga nircaycanqui: «Cawashanchïyaj micucushun, upucushun; waranachari wañucushunpis» nir.

Deuteronomio 29:19

«Cay conträtuta chasquircur ama yarpaychu mana cumliptiquipis Tayta Dios mana castigashunayquipaj cashanta. Mana cumlerga juchayojmi canquipaj Tayta Dios llapayquita castigar ushacächishunayquipaj.

Proverbios 23:34

Lamar chaupincho umayqui tumariycajtanömi mayapacunquipaj. Can'wacho aywaptiqui umayqui tumariycajnömi ricacunquipaj.