Proverbios 23:31 - Tayta Diosninchi Isquirbichishan

³¹ Machächicojcunataga ama munapanquichu. Maysi upucuylla munapaypaj achicyaypa achicyar-rämi bäsuchöpis ricacan. Upurcorga mishquillami ultarcärin.

Proverbios 23:31 Referans Kwoze

1 Juan 2:16

Paycunaga cuerpun munashallantami ashin. Yargaj car ñawin ricashanta quiquinpaj canantami munan. Llapanpitapis mas alli ricasha caytami ashin. Chayno cawananchïtaga manami Tayta Diosninchïchu camacächin. Man'chäga runacunallami camacächin shongun munapashallanta ashir.

Salmos 119:37

Ama cachamaychu manacajcunallaman ricaränätaga. Cawachimay ari gam munashayquino caminullayquipa purinäpaj.

2 Samuel 11:2

Juc junaj tardipaypa puñushanpita jatarcur Davidga puricachaycaran wasin janancho. Niycashanchömi ricäriran cuyayllapaj warmi bäñacuycajta.

Marcos 9:47

Ñawiqui juchata rurachishuptiquega jorguriy. Ishcan ñawiquiwan imaypis mana upej nina infiernuman chayanayquipitaga mas allimi canman tojshilla Tayta Diospa ñaupanman chayaptiqui.

Proverbios 6:25

Chay warmi cuyayllapaj car luwarta goshuptiquipis ama rimapanquichu. Ñipchipar ricapäshuptiquipis ama gaticurcunquichu.

Job 33:1

«Chaymi Job, cananga imata nishäcunatapis sumaj wiyamay. Imata nishätapis sumaj tantiyacuy.

Efesios 5:18

Ama upyaychu. Machashacunaga pirdicashami goyan. Chaypa ruquenga Espíritu Santu munashanno cushisha caway.

Cantares 7:9

Parlacuyniquega mishquej alli bïnunömi. Chayga caycan mishquej bïnu shimi-wirpanchïpa, quirunchïpa mishquilla chayar päsarejnömi.