Proverbios 23:18 - Tayta Diosninchi Isquirbichishan

¹⁸ Chayno goyarga alli cawaymanmi chayanquipaj. Yarpashayquicunapis manami yangallapächu canga.

Proverbios 23:18 Referans Kwoze

Hebreos 10:35

Chayno captenga gamcuna mana yamacaypa imano ñacarpis Tayta Diosman yäracuy. Chayno carmi Tayta Diospa ñaupanmanpis chayanquipaj.

Salmos 9:18

Pobricunatami ichanga imaypis mana gonganquichu. Gamman yäracamojcunataga yarparaycanquimi.

Jeremías 29:11

Nogaga maynami yarpaycä gamcuna imano canayquipäpis. Gamcuna alli goyänayquipämi yarpaycä, manami ushacächinäpächu. Chauraga mananami imaypis ninquipänachu ‹imatanataj shuyäshäpis› nir. Noga Tayta Diosmi chayno në.

Proverbios 24:14

Yachaj caypis, musyaj caypis abëjapa mishquinnömi cangapaj gampäga. Alli yarpayniyoj sumaj yachaj carga allimi goyanquipaj. Yarpashayquicunapis manami yangallapächu canga.

Filipenses 1:20

Tayta Diosninchi imaypis yanapämashannömi autoridäpa ñaupancho captëpis yanapämanga mana manchacuypa paypa willacuyninta willacunäpaj. Cawaycajta cachaycamänan captinpis wañuchimänan captinpis noga munä Jesucristo munashanta imaypis ruraytami.

Proverbios 24:20

Fiyucunaga mana alliman chayar-rämi mayanga. Fiyucunaga achqui upejno illajpitami illaraycanga.

Salmos 37:37

Masqui ricay juchaynaj runata, Dios munashanno goyaj runata. Chay runaga shamoj watacunacho allillami goyanga.

Lucas 16:25

«Chayno niptinshi Abraham niran: ‹Ïju, gamga yarpay rïcu cashpayqui alli cushisha goyashayquita. Lazaroga pobri cashpanmi fiyupa ñacaran. Chaypitami cananga caycho cushisha caycan. Gammi ichanga chaycho ñacaycanqui.

Salmos 19:11

Mandamintuyquicunaga yachachimanmi. Cumlejcunaga alli cawaytami tarenga.

Salmos 58:11

Chayrämi llapanpis nenga: «¡Tayta Diosta wiyacuymi alliga! ¡Cay pachacho canmi Dios llapanta jusgananpaj!» nir.