Proverbios 22:4 - Tayta Diosninchi Isquirbichishan

⁴ Umildi cashpan, Tayta Diosta rispitaptenga Paymi camacächin chay runa ima-aycayojpis cananpaj, rispitasha cananpaj, alli cawananpaj.

Proverbios 22:4 Referans Kwoze

Mateo 6:33

Chaycunapaj yarpachacunayquipa ruquenga yarpachacunquiman Tayta Diospa maquincho cawanayquipaj. Pay munashanno cawaptiquega imata nistashayquitapis tarichishunquipämi.

Santiago 4:10

Ama alli-tucuychu. Chayrämi Tayta Diosninchi alliman churashushpayqui yanapäshunquipaj.

Proverbios 21:21

Alli cajta rurajcuna, cuyapäcoj cajcunaga alli cawaytami tarenga, y pï-maypis rispitangami.

Isaías 57:15

Janajcho tiyaj, imaycamapis cawaj, Santo Tayta Diosmi cayno nin: «Nogaga tiyä rispitädu janaj pachachömi. Ichanga umildicunawanpis llaquicuycajcunawanpis iwalmi caycä. Paycunatanami yanapar shacyächë.

Proverbios 3:16

Yachayga derëchu caj maquinwan mana ushacaj cawaytami tarichicun. Ichoj cajwannami ima-aycatapis tarichin; pï-maypis rispitananpaj yanapan.

Santiago 4:6

Tayta Diosninchëga fiyupami cuyapämanchi. Chaymi palabranchöpis cayno niycan: «Tayta Diosninchi manami yanapanchu alli-tucojcunataga. Umildicunatami ichanga cuyapar yanapan.»

Isaías 33:6

Paymi imapitapis imaypis chapanga. Paymi salbanga, sumaj yachayta gonga, sumaj tantiyachenga. Tayta Diosta rispitar yäracushanga canga ima-aycatapis charashannömi.

1 Timoteo 4:8

Tayta Diosninchi munashanno goyayga mas allimi caycan fïsicata rurashanchïpitapis. Fïsica rurayga cay pachacho cawashanchïcamallami alli caycan. Tayta Diosninchi munashanno goyaymi ichanga cay pachacho y syëluchöpis alli cawananchïpaj caycan.

Proverbios 21:20

Yachajcunapa wasinchöga ima-aycanpis juntami. Manami imapis pishinchu. Mana tantiyacojcunami ichanga ima tarishallantapis ushacurcun.

Proverbios 22:3

Alli tantiyacoj runaga mana alliman chayananpaj cashanta musyar witicunmi. Mana tantiyacoj runami ichanga mana cäsupaypa aywar fiyupa ñacayman chayan.

Proverbios 22:5

Fiyu runacunapa purinanchöga churaraycan trampacunawan cashacunallami. Alli cawayta munajcunaga chay caminupita witicunmi.

Proverbios 29:23

Alli-tucojcunataga manacaj cayman churan. Umildi cajcunatami ichanga alliman churar rispitan.

Proverbios 31:30

Buena-mösa cashanpis yanga manacajllapämi. Cuyayllapaj cayninpis rätu ushacajllami. Tayta Diosninchïta rispitaj warmimi ichanga alli rispitasha canga.

Daniel 4:36

«Chayno alabashä örami cashgan yarpaynëman cutirä. Yapay mandaj ray canäpäna cutichimaran. Noga ray cashächo mandäshimajcunapis ashimaj shamuran. Chaypita yapay cutirä nasyunnëpa mandajnin canäpaj. Yapay ray cashpäga ñaupata munayniyoj cashäpita mas munayniyojraj caräpis.

Proverbios 19:23

Tayta Diosta rispitar manchacoj cäga alli cawaytami tarin. Chaynöpami alli goyan. Manami imamanpis chayanchu.