Proverbios 21:31 - Tayta Diosninchi Isquirbichishan

³¹ Runaga cawalluta sillacun guërraman yaycunanpaj. Chaypis Tayta Diosrämi camacächin maygan gänananpäpis.

Proverbios 21:31 Referans Kwoze

Salmos 20:7

Waquenga yäracun pillyapaj caj carrëtancunaman. Waquenga yäracun pillyapaj caj cawalluncunaman. Noganchïmi ichanga yäracunchi Tayta Diosnillanchïman.

Isaías 31:1

¡Ay imanöraj canqui yanapänanpaj Egiptucunaman ruwacoj aywajcuna; Egipto runacunapa cawalluncunaman yäracojcuna; aypalla carrëtancuna cashanman yäracojcuna; cawalluta muntacurcur pillyajcunaman yäracojcuna! Paycunaga yarpayllapis manami yarpärinchu Israelcunapa Santo Tayta Diosninman. Paymanga manami yäracunpischu.

Salmos 147:10

Tayta Diosga manami cushicunchu cawallu fiyupa firsayoj captinpis, ni runa callpasapa captinpis.

Salmos 68:20

Diosninchëga imapitapis salbacoj Diosmi. Tayta Diosga wañunanchïpaj caycajtapis salbamashwanmi.

Salmos 3:3

Chayno niptinpis Tayta Dios, gammi imapitapis chapämanqui. Gammi shacyächimanqui. Gammi cushicachimanqui.

Salmos 3:8

Tayta Dios, gammi pitapis salbanqui. ¡Acrashayqui runacunataga bindisyunta goycullay ari! Selah

Eclesiastés 9:11

Chayno juctapis cay pachachöga ricashcämi. Llallinacuychöpis manami mas cörrej cajchu llallin. Pillyachöpis manami jinyu cajchu binsin. Micunanpaj micuytapis manami yachajcunallachu charan. Manami yarpaysapacunallachu rïcupis. Manami yachajcunatapis alli jamachinchu. Pitapis öraga allimi llojshipan; öraga mana allimi llojshipan.

Salmos 144:10

Gammi camacächinqui raycuna jucta binsinanpaj. Sirbishojniqui Davidtapis Gammi salbarayqui sabliwan wañunanpita.

Jeremías 3:23

Yangami puytush lömacunamanpis aywä. Yangami puntacunachöpis gaparpä. Tayta Dios gamllami Israelcunataga salbamanqui.

1 Corintios 15:57

Ichanga Tayta Diosninchïta agradësicushun. Paymi Taytanchi Jesucristuta wañushanpita cawarachimur wañuyta binsichimashcanchi.

2 Samuel 23:12

Sama ichanga pullan pampaman ichicuycuran. Filistea runacunata wañuchiran Israelcunata washashpan. Chaynömi Tayta Diosga binsichiran.

Salmos 20:8

Paycunaga tunengami. Noganchïmi ichanga jatarcur ichirpaycäshun.