Proverbios 20:3 - Tayta Diosninchi Isquirbichishan

³ Piwanpis mana rimanacoj runaga alli rispitashami. Mana tantiyacoj runami ichanga piwanpis juclla rimanacun.

Proverbios 20:3 Referans Kwoze

Proverbios 16:32

Alli chölu-tucuypitaga mas alli pasinsacuymi. Llapan marcapa mandajnin cananpitaga mas alli caycan quiquinraj alli duminacuyta yachashanmi.

Proverbios 17:14

Rimanacuyman chayayga lloglla shamojpitapis mas piyurmi. Rimanacuyman chayanayquipa ruquenga witicuy.

Efesios 4:32

Chaypa ruquenga jucniqui-jucniquipis alli ricanacur caway. Tayta Diosninchi Jesucristu-raycu perdunashushayquinölla gamcunapis perdunanacuy.

Proverbios 19:11

Yarpaysapa runaga imapitapis pasinsacunmi. Achäquita ashipajcunatapis perdunanmi.

Proverbios 14:29

Jinan öra mana rabyaj runaga alli yarpayniyojmi. Jinan öra rabyacurcojmi ichanga upa mana tantiyaj cayninta musyachicun.

Santiago 4:1

¿Imanirtaj chiquinacunqui maganacunqui? Chayno carcaycanqui shonguyquicho mana alli yarpay captinmi.

Proverbios 18:6

Mana tantiyacojcunaga shimillanpitami rimanacuyman chayan. Quiquinpa shiminpitami asticanpis.

Santiago 3:14

Shongullayquicho runa-masiquita chiquipar, nanaparar ichanga ama yarpaychu yachaj cashayquita. Yachaj-tucorga manami rasunpa yachajchu canqui.

Proverbios 21:24

Ollgojta, alli-tucojtaga «shimisapa» nirmi rejsin. Chayno runaga yachaj-tucojmi.

Proverbios 14:17

Imallapitapis rabyaj runacunaga mana yarpachacuypami imatapis ruran. Fiyu runacunaga wacpita caypita chiquishami goyanga.

2 Reyes 14:9

Chaura Joasga Amasiasman cutichiran: «Cardun jachashi Libanucho caycaj sedruta willachisha: ‹warmi wamrayquita wamräpa majanpaj entregay› nir. Niycaptinshi jirca animal päsar carduntaga lluchcariran.

Génesis 13:7

Chaymi Abrampa uywa ricajnincunawan Lotpa uywa ricajnincuna guewa-janan pillyaj. Chay wichanga Cananeo runacunapis Ferez runacunapis chay particho tiyarcaycaranraj.

Génesis 13:8

Chaynöpami subrinun Lot-ta Abram niran: «Noganchëga famillyami canchïpis. Chaymi noganchëga ama rimanacushwanchu. Gampa uywayqui ricajpis ni nogapa uywä ricajpis ama pillyachunchu.

Proverbios 26:17

Juc rimanacushanman jaticäga allguta rinripita charejnömi caycan.