Proverbios 19:8 - Tayta Diosninchi Isquirbichishan

⁸ Runaga alli cawayta munar allimi yachacun. Yachacushanno rurarga alli cajllatami ruran.

Proverbios 19:8 Referans Kwoze

Proverbios 16:20

Tayta Dios nishanta wiyacorga allichömi canga. Tayta Diosman yäracojcunaga cushishami canga.

Proverbios 3:18

Yachacojcunata yachayga allimi goyächin. Pipis yachaj cäga cushishami cawanga.

Proverbios 4:6

Yachaytaga fiyupa cuyanqui. Ama cachaycunquichu. Mana cachaycuptiqui yachayga fiyupa allimanmi churashunquipaj.

1 Pedro 3:10

Tayta Diospa palabranchöpis niycan: «Pipis alli cawayta munarga cushisha goyayta munarga llutancunata ama rimachunchu. Ama llullacuchunchu.

Juan 14:21

«Mandamintöcunata cumlej cäga rasunpami nogata cuyaman. Cuyamaj cajtaga Taytäpis cuyanmi. Chay runataga nogapis cuyashämi. Nircur musyachishaj imano cashätapis.»

Proverbios 22:18

Chaycunataga allipämi umayquiman churacunqui. Chay yachacushayquicunataga mana gongaypami yarparaycanquipaj.

Proverbios 17:16

¿Imanirtaj mana tantiyaj runacunaga yachayta rantinanpaj guellaynin aptacurcur shamun? Imatapis manami tantiyanchu.

Proverbios 4:21

Tantiyachishäcunata ruraytaga ama gongaychu. Llapanta sumaj umayquiman churacuy.

Proverbios 4:4

Papänëmi yachachimar willapämar cayno nimaj: «Llapan willapashäcunata umayquiman sumaj churacuy. Willapashäcunano rurarga allimi goyanquipaj.

Proverbios 3:21

Ïju, mana yamacaypa allillata ruranqui. Sumaj yarpachacurir imatapis allillata ruranqui.

Salmos 19:11

Mandamintuyquicunaga yachachimanmi. Cumlejcunaga alli cawaytami tarenga.

Juan 12:25

Quiquinpa shongun munashannölla cawar bïdanta mana ograyta munäga wañongami. Cay pachacho shongun munashanta mana rurajcunami ichanga mana ushacaj cawayta tarenga.

Ezequiel 36:26

Gamcunataga mushoj shongutami goshayqui. Mushoj espiritutapis goshayquimi. Gamcunapa rumi shonguyquitaga jorgushämi. Nircorga alli shongutanami churashaj.

Proverbios 19:9

Alman ranticojcunaga castïguchömi canga. Llullacunatapis wañuymi shuyaraycan.

Proverbios 3:22

Chaura gampäga cangapaj alli goyaymi. Runacunapis gampäga alli cashayquitami parlanga.