26 Taytanta magaj runaga fiyupa jamurpaypaj gueshyami. Mamanta wasinpita gargoj runaga fiyupa melanaypämi.
Patrunninpa wamran fiyu captenga alli yarpayniyoj uywayninmi wamranmanno ticran. Chaynöpami patrunninpa wamrancunano erensyata chasquin.
Alli tantiyacoj runacunaga usya wichanmi micuyninta shuntapacun. Cosëcha wichan puñucuymi ichanga fiyupa pengay.
Chay guella wamrayqui guellaypaj cacoj warmicunawan guellayniquita usharcushpan chayaycamuptin ichanga werannin töru-mallwataraj pishtaycachinquipis› nir.
Maman-taytanta mana alli ricajtaga ñawincunatapis ancacuna jorgucurinman, cundurcunapis micucurcunman.
Waquenga canmi taytanta ñacachej, mamantapis mana rispitaj.
Taytanta mamanta suwaparcur «chayga manami juchachu» nejcunaga wañuchicojcunapa suwa-masinnömi caycan.
Tayta Diosta imaypis rispitajcunaga cushishami goyanga. Tayta Diosta mana wiyacojcunami ichanga ñacayman chayanga.
Laycunata cumlëga alli tantiyaj wamrami. Pachallanta ashejcunawan puricojcunami ichanga papänintapis pengayman churan.
Mana tantiyacoj upa wamraga taytantapis rabyachinmi; mamantapis llaquicachinmi.
Salomón yachaj car rimashan rimaycuna: Yachaj wamraga maman-taytanta cushicachinmi. Mana tantiyacoj wamrami ichanga llaquicachin.
Ïju, llapan corrijishushayquita wiyacuy. Mana wiyacorga llutan caminupami purinquipaj.