Proverbios 19:10 - Tayta Diosninchi Isquirbichishan

¹⁰ Yarpayniynaj mana tantiyäga yangami mishti-tucunpis. Uyway runacunapis manami mayur runacunapa mandajnin canmanchu.

Proverbios 19:10 Referans Kwoze

Proverbios 26:1

Usya wichan rashtarga manami allichu. Cosëcha wichan tamyapis manami allichu. Chaynömi mana tantiyaj upa runata alliman churananpis mana camacanchu.

Santiago 4:9

Tayta Diosninchïpa maquincho mana puriycarga ¿imanirtaj cushisha goyarcaycanqui? Cushicunayquipa ruquenga juchayquicunapita llaquicur wagay.

Lucas 16:23

Mana cuyapäcoj rïcu runapa almannashi infiernuman aywaran. Chaycho fiyupa ñacaycashanchöshi carupita ricaran Lázaro Abrahampa ñaupancho caycämojta.

Lucas 16:19

Mastapis Jesús willaparan: «Juc rïcu runashi casha fiyupa cuestaj röpacunallata jaticoj. Payga waran-waranshi rejsinacushancunawan fistata rurashpan alli micuycunallata micur goyaj.

Oseas 9:1

Israel runacuna, mañösa warmi runanta cachaycojnömi gamcunapis Tayta Diosta cachaycushcanqui. Päguta chasquinanpaj warmi runawan puñushan pengaypaj cashannömi gamcunapis cosëchayqui alli cananta munar juc diosman yäracushayqui pengaypaj caycan. Chayno caycarga cosëchata shuntashayquipita ama cushicuychu. Waquin nasyun runacunanöga cushicuypita ama pinticachaychu.

Isaías 3:5

Chaura runacunaga rimanacullarnami goyangapaj. Chaymi jucnin-jucnin amïgu carpis jucwan-jucwan chiquinaconga, pillyanga. Mösucunapis auquincunata mana rispitar chiquicarcärenga. Pobricunapis rïcucunata chiquicarcärenga.

Ester 3:15

Chaymi carta apajcunaga jinan öra aparan ray nishanno. Jinan Susacho palasyu caycashanchöpis chay laytaga willacachiran. Susa siudächöna runacunaga fiyupa mancharisha caycaran. Amanwan ray ichanga cushicuywan upyarcaycaran micurcaycaran.

2 Samuel 3:39

Chaymi nogaga, Dios acrashan ray caycashpäpis Sarviapa wamrancuna Joabta y Abisaitaga wañuchicoj captin manchacömi. ¡Chaypita Tayta Dios castigachun!»

1 Samuel 25:36

Chaypita Abigail wasinman chayananpäga Nabal cushicur fistata ruraycänaj raynöraj. Caycaran cushisha, fiyupa machasha. Chaura imatapis mana rimaparanchu warannincama.

Proverbios 17:7

Mana tantiyaj upa runa may-jina allita parlaptinpis manami camaranchu. Juc autoridä llullacur parlaptinpis piyurmi mana camaranchu.