Proverbios 18:21 - Tayta Diosninchi Isquirbichishan

²¹ Wañuytapis cawaytapis shiminpitami tarin. Alläpa rimajcunaga shiminpitami imanöpis ñacanga.

Proverbios 18:21 Referans Kwoze

Efesios 4:29

Ganracunataga ama rimanquichu. Chaypa ruquenga wiyajcunapis shacyäcunanpaj alli cajllata rimanqui.

Colosenses 4:6

Willaparga alli shimillayquipa parlapanqui. Chaynöpis camaricushalla carcaycanqui pipis tapushuptiqui alli shimillayquipa tantiyachinayquipaj.

Proverbios 10:31

Alli runapitaga alli yachachicuycunatami wiyacunchi. Fiyu runacunatami ichanga alli-tucuycajta upällajpaj niycusha.

Proverbios 12:13

Fiyucunaga quiquinpa shimillanpitami tucuyman chayan. Alli runacunami ichanga imaman chayarpis allicho llojshin.

Isaías 57:19

Nircorga caynömi willacachishaj: ‹¡Carucho caycajcunapaj alli goyay cachun! ¡Sercacho goyaycajcunapäpis alli goyay cachun!› nir. ¡Acrashä runacunataga nogami allchacächishaj!

Proverbios 11:30

Allita ruraj runacunaga alli wayoj yöranömi. Yachaj runaga allita rurashpanmi runacunata mana ushacaj cawayta tarichin.

2 Pedro 2:18

Paycunaga alabacurmi yachaj-tucur imatapis parlan. Juchancunapita chayraj arpinticojcunatami shimita gon llutancunata rurananpaj.

2 Corintios 11:15

Satanás alli anjil-tucur purishannömi paycunapis Satanaspa munaynincho car alli-tucullar purircaycan. Chayno cashanpitami juc junäga castigasha canga.

2 Corintios 2:16

Mana salbacojcunapäga willacushä caycan melanaypaj asyajnömi. Tayta Diospa willacuyninta chasquicojcunapämi ichanga willacushä caycan cuyayllapaj alli asyay chayajno. Chaura ¿piraj Tayta Diospa willacuyninta willacuyta camäpacunman?

Proverbios 21:23

Llutalla imatapis mana parlacoj runaga manami ima llaquicuymanpis chayangachu.

Isaías 3:10

Alli runacunatami ichanga ima rurashallanpis alli llojshipanga. Allita rurashanpitami alli cawanga.

Oseas 10:13

Ichanga alli cajta ruranayquipa ruquin mana alli rurayllachömi cashcanqui. Cuyanacur alli goyänayquipa ruquin wañuchinacuyllachömi cashcanqui. Nogaman yäracamunayquipa ruquin llullacullar goyashcanqui. Chaynöga goyashcanqui pillyapaj caj carrëtayquicunaman yäracushpayquimi, pillyäshishoj piyunniqui aypalla caycajman yäracushpayquimi.

Salmos 12:5

Tayta Diosga caynömi nin: «Pobricunata, wacchacunata, ñacachishpan munashanta ruraycächin. Chaypitami cananga salbashaj yanapänäpaj shuyaycämajcunataga.»